O único espectáculo dunha compañía galega no Museo Nacional del Prado, no Teatro Pastor Díaz

Desde sempre, a misión das cegoñas foi a de levar os bebés recentemente nacidos aos brazos dos seus pais, voando sempre en grupos ou bandadas.
Pra iso, foron dotadas duns picos longos e fortes, unhas ás grandes e poderosas e unha forma de voar elegante e firme que lles fai poder percorrer grandes distancias ata chegar aos seus destinos.

Pero un día, Güilly, unha pequena cegoña, decidiu que xa era maior para levar un hatillo cun bebé aos seus pais, o cal, ao ter o pico cortiño, as ás pequenas, pero sobre todo, ao ser aínda pequeno e non poder seguir o ritmo de voo, a negativa da comunidade das cegoñas foi unánime.
Aínda que un día, sen saber moi ben como, as Cegoñas adultas esquecéronse un hatillo cun bebé moi peculiar.

Que pasará a partir de aquí?, Quen levará a ese bebé até os seus pais?…
Aquí comeza a gran aventura e unha historia cargada de diversión, humor e música, que realza a importancia da amizade, a solidariedade e a familia pero sobre todo, o importante que é voar sempre en grupo e nunca só, para protexernos dos perigos que nos podemos atopar.

Isto é o que ofrece “Güela Güela” de Galitoon, o único espectáculo dunha compañía galega no Museo Nacional del Prado. Baseada na obra “Concierto de aves” de FRANS SNYDERS, a solicitude do Museo Nacional del Prado, para a súa representación durante o 2015 e 2016, no marco, das actividades dirixidas ao público familiar e infantil que visita o Museo.

A súa representación no Teatro Pastor Díaz de Viveiro terá lugar o sábado 29 de outubro a partir das 18.00 horas.