Burela, 23 de outubro de 2016. Rematou en Burela o programa Coidamos-TEA, que “foi unha oportunidade para mellorar a atención ás persoas con autismo”, segundo explica a concelleira de Servizos Sociais, Patricia Otero. A edil socialista agarda que “poida ter continuidade no noso concello”. Neste programa participaron ao longo dos últimos meses familias de Viveiro, Cervo, Foz, Ribadeo, Mondoñedo e Burela.
Otero contou que “o pasado martes, 18 de outubro, tivo lugar a última xuntanza do programa Coidamos-TEA no Concello de Burela. De abril a outubro do presente ano, unha vez ao mes, celebráronse na Aula de Familia, sita na Casa da Cultura, os encontros do programa Coidamos-TEA, densenvolvidos pola Federación Autismo Galicia, financiados pola Fundación Barrié e a Fundación Roviralta, e en colaboración co noso Concello. Burela foi a sede de ditas, pero nas mesmas participaron, ademais de familias de Burela, familias de Viveiro, Cervo, Foz, Ribadeo e Mondoñedo”.
A concelleira de Servizos Sociais subliñou que “o obxectivo deste programa é proporcionarlle ás familias das persoas con TEA un lugar de encontro onde obter información profesional e especializada sobre o autismo e compartir experiencias. Profesionais especializados de Autismo Galicia foron os encargados de levar a cabo estes encontros mensuais nos que se buscaba dar unha resposta ás necesidades das familias, tales como apoio no fogar, oportunidade de aprendizaxe, xogo e habilidades sociais, apoio psicolóxico, recursos e axudas sociais… Este programa foi unha oportunidade para mellorar a atención ás persoas con autismo, tanto dende a familia como dende o seu entorno máis próximo , como son os servizos sociais dos Concellos”.
Para Patricia Otero “estas xornadas foron tan ben acollidas que ademais de celebrar os encontros mensuais coas familias, tamén se levaron a cabo, coa mesma regularidade, encontros cos profesionais dos servizos sociais dos distintos Concellos, e inclusive celebrouse unha xornada a maiores, a deste 18 de outubro, que en principio non estaba prevista xa que a data de remate das mesmas era o 19 de setembro”.
A concelleira de Servizos Sociais agarda que “en vista da boa acollida que tiveron estas xornadas, dende a Concellería de Servizos Sociais de Burela, esperamos que as mesmas poidan ter continuidade no noso Concello”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
