A Mariña, 26 de outubro de 2016. Xa está na internet o vídeo da primeira mesa redonda das Xornadas de Comunicación, Gastronomía e Promoción do Turismo no Litoral de Lugo, que se celebrou en Foz o pasado día 15 deste mes. Pódese ver e escoitar a través desta ligazón: https://www.youtube.com/watch?v=6-lb95KmuDA.
A montaxe, realizado por ElFarero Audiovisuais, inclúe tamén fotografías doutros momentos do evento, como as visitas e degustacións nas que participaron Pepa Sastre, de Televisión Española; Pedro Pablo García May, de Axénciaa Efe; e Luís Fraga, xornalista televisivo e docente.
A mesa redonda, que se celebrou na Casa de Cultura de Foz, foi moderada por Pablo Villapol, do Progreso. Ao finalizar interveu o alcalde, Javier Jorge Castiñeira, e entre os asistentes estiveron tamén as concelleiras focenses Mercedes González e Silvia Blach, que ademais foi a encargada de mostrar aos xornalistas a Basílica de San Martiño; o presidente de Acia/CCA de Foz e secretario da Mariña Federación, José Carlos Paleo; o presidente da Mariña Federación, Ramón Leivas; o presidente do GALP A Mariña-Ortegal, Basilio Otero; a directora de profesionalización de Turismo de Galicia, Marta Fernández; e o responsable da área de Turismo da Deputación de Lugo, Eduardo Vidal Baamonde.
Coa colaboración de Luís Fraga, Pepa Sastre e Pedro Pablo García May A Mariña Federación puxo en marcha o hashtag #DisfrutaAMariña, no que se poden ver fotos e comentarios que foron colgando durante a súa visita á zona e nos días posteriores.
As Xornadas de Comunicación, Gastronomía e Promoción do Turismo no Litoral de Lugo están promovidas pola Federación de Comercio A Mariña e organizadas por Faro Norte Comunicación. A próxima será en novembro en Viveiro.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
