A Mariña, 3 de novembro de 2016. A Federación de Comercio A Mariña estrea este fin de semana nos cinemas de Viveiro e de Ribadeo o novo anuncio publicitario para potenciar as compras no comercio local durante o próximo nadal. A protagonista do anuncio é Daniela, unha nena de 5 anos, de Burela, que estivo presente na primeira proxección do anuncio, que tivo lugar nas últimas horas en Cinemas Viveiro.
O presidente da Federación de Comercio A Mariña, Ramón Leivas, subliña que “o obxectivo deste novo anuncio é apoiar e potenciar as compras no comercio local. Eu creo que Emarela, que foi a produtora fixo un anuncio que dá co que queremos presentar, acerta plenamente. Cunha protagonista, Daniela, que a ver se nos sae unha futura actriz, unha nena con moito carisma”.
Leivas declarou que “nós o que queremos é concienciar á poboación desta comarca de que hai que comprar na Mariña xa que somos mariñáns e debemos comprar na Mariña. Evidentemente por unha banda demandamos as compras na Mariña e tamén nós como comerciantes temos que poñernos ao día para dar ese servizo que queremos ofrecer na Mariña e que a xente non se nos vaia a outro sitio. Ten que haber un compromiso por parte dos mariñáns e por parte dos comerciantes da Mariña”.
O presidente da FCAM engadiu que “agora vanse a ver os dous anuncios no cinema e esperemos concienciación por parte dos mariñáns e tamén por parte dos empresarios”.
Laura Vázquez, de Emarela, a empresa encargada da realización do anuncio, contou que “este segundo anuncio da Mariña Federación é un pouco máis conceptual que o anterior. No anterior queriamos reflectir unha situación que podía ser a realidade de calquera dos clientes que ten o comercio local asociado. Naquel momento contamos cunha moza parella. E neste caso queriamos representar a través dunha pequena metáfora que o ecosistema da Federación de Comercio da Mariña é un ecosistema fráxil, pero que beneficia a todos, e que se faltase algunha das pezas, as da base que son os clientes, todo se desmoronaría. Recalcar a importancia que teñen os clientes para que ese ecosistema funcione e que nos beneficie absolutamente a todos. Á fin e ao cabo o comercio asociado é o que fai a vida dun pobo, o que nos enche de actividades, de lecer, contribúe ao tecido económico, pero tamén ao lecer dos cidadáns e se non se lle apoia comprando iso desaparecería e quedariámonos sen nada”.
Laura Vázquez tivo palabras de agradecemento para todas as persoas que participaron na rodaxe dos dous anuncios da FCAM. Ambos se proxectarán ata despois do Nadal nos cinemas de Viveiro e de Ribadeo.
A estrea do novo anuncio tivo lugar en Viveiro. Ao mesmo asistiron varios directivos da Mariña Federación, así como a protagonista, a pequena Daniela, que estivo acompañada pola súa familia.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
