O Teatro Pastor Díaz de Viveiro acolle o sábado 5 de novembro de 2016, ás 20.30 horas, a representación de “Alba. A casa pechada” da man de Nostrum Cai dentro do programa Buxiganga da Deputación de Lugo.
Alba. A casa pechada (Público adulto)
Sinopse: «Silencio. En oito anos que dure o loito non vai entrar nesta casa o vento da rúa. Así foi na casa do meu pai e na casa do meu avó. Iso ten ser muller. Malditas sexan as mulleres».
Tres irmás privadas de liberdade desatan celos e paixóns. Desafían a moral
establecida e o despotismo dunha nai que se interpón entre elas e os homes. O intento por quebrar a tiranía da nai á que non poden vencer, levaraas a un destino tráxico.
Autora/a: adaptación para danza-teatro da obra de Lorca La Casa de Bernarda Alba a cargo de Lola Fernández e Sonia Fernández
Directora: Lola Fernández
Elenco: 6 actrices
Duración: 65 minutos.
Nostrum Cai Teatro xurde no 2002 na cidade de Lugo, centrándose na formación teatral e no achegamento ás súas diferentes disciplinas, como dramaturxia, mimo, voz e verso, estudo da personaxe, comedia do arte, danza contemporánea, monólogos, contact, improvisación e danza butoh.
Este adestramento permanente en técnica teatral, culminou na representación de varias montaxes de creación propia e colectiva: Soños (mención honorífica na Mostra de Teatro Curto de Getxo, Bilbao), Opinións, Dramatización poética, A revolución, Flashes, Tatuaxes (baseada no texto do escritor galego Xesús Pisón. Gañadora do premio «Novos
Creadores»), Ego, FlashdeDeux e O tempo apremia. No ano 2012, afrontaron o
proxecto Radio Universo.
Nostrum Cai ten proxectos compartidos con In Bocca Al Luppo: dirección
de Paxariños preñados (premio á mellor dirección, mellor espectáculo, mellor escenografía e mellor interpretación femenina na Mostra de Teatro Daniel Cortezón e, ademais, finalista do certame As Vangardas 2005), Rúa do esquecemento, Goma2 e codirección de Camiño do pracer e Thriller Swing.
Unha primeira xornada chea de risas, descubrimentos e moita calma da man de Rosa, e das súas acompañantes caninas Vilma e Tila. Todos os martes, de 12:00 a 13:00 h, haberá este espazo no que aprenderase a identificar, expresar e xestionar o que se sinte dentro do programa Enredando no verán. Está dirixido a nenos e nenas de 3 a 6 anos. Inscricións para o Taller de emocións na Casa da Cultura: casadacultura@concellodecervo.com, tel: 982 595 157.
O 112 Galicia recibiu o aviso ás 5:30 horas desta madrugada de martes. Cando sucedeu o accidente, a vítima estaba a traballar no servizo de recollida de lixo, na Rúa da Igrexa, en Ourol. Alí acudiu unha dotación de Urxencias Sanitarias de Galicia-061, quen deu a voz de alerta. Sen embargo, nada puido facerse por este traballador, do que avanzaban quedou inconsciente tras a caída do camión da recollida do lixo. Para apoiar as labores do equipo médico, desde o 112 Galicia, solicitouse a intervención dos axentes da Garda Civil e dos voluntarios de Protección Civil de Ourol.
O cambio de emprazamento débese á celebración do Mercado Renacentista.
No acto estiveron acompañados das súas familias e das titoras, Vanesa e María Julia. “A partir de setembro afrontan a última etapa no Colexio Sagrado Corazón, espéranos novos coñecementos e experiencias. Moita sorte”, dixo a directora do centro, Begoña Sanjurjo.
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
