O triunfo de Donald Trump marca o fin dunha época na cal un confiado sistema establecido pregoaba o fin da historia, o fin da paixón e a supremacía dunha tecnocracia traballando para o 1%. Pero a época que comeza non é nova. É unha variación dos anos trinta, con economías deflacionarias, xenofobia e unha política de “divide e reinarás”.
A paixón regresou á política, pero non dunha forma que vaia a axudar ao 80% que quedou fóra desde os anos setenta. A paixón agora alimenta a misantropía. A paixón explota a mala hostia dese 80% para reacomodar o poder de arriba, mentres o 80% queda moribundo, traizoado e dividido. É NOSO deber deter isto. É NOSO deber empregar a paixón para a causa do humanismo.
As tonterías do sistema establecido estano levando á súa morte. Incapaz de comprender a crise económica que creou, mataron a Primaveira Grega porque podían. Levaron á maioría das familias británicas a unha austera desesperanza. Arrastraron a miles de alemáns a mini-empregos. Conspiraron para conter o posible efecto de Bernie Sanders. E cando Amencer Dourado, Brexit, Alternativa para Alemania e Donald Trump foron o resultado, responderon cunha mestura de desdén, negación e pánico.
A política mundial está vivindo máis cambios radicais que nunca desde os anos trinta. Unha Gran Deflación estase apoderando de ambos lados do Atlántico, rearmando as forzas políticas que estaban durmidas desde 1930. O uso que fai o presidente Trump de tácticas e discursos dignos de Mussolini é só un síntoma da posta en escena desta época sombría.
O espectro do Nacionalismo Internacional que se nos vén encima (desde Trump e o Brexit ata os gobernos de Polonia e Hungría, a Alternativa para Alemania, o próximo presidente austríaco e Marine Lle Pen só pode ser derrotado polo Progresismo Internacional que está construíndo o Movemento pola Democracia en Europa (DiEM25).
Pero, claramente, Europa non é suficiente. Os progresistas en Estados Unidos, que apoiaron a Bernie Sanders e a Jill Stein, deben unirse aos progresistas de Canadá e América Latina, para crear o Movemento pola Democracia nas Américas. Os progresistas de Medio Oriente, que se están desangrando contra o Estado Islámico, contra as tiranías e tamén contra os gobernos-títere de Occidente, deben unirse aos progresistas palestinos e israelís para construír o Movemento pola Democracia en Oriente Medio.
E os Mariñans de ben, que existimos, tamen debemos defender o noso, a política limpa, a desaparición das cazicadas, do enchufismo, do choriceo, das descriminacions, dos que foron as alcaldías como medio de vida etc etc.
En 1930, os nosos devanceiros fracasaron en conectarse con demócratas doutros sitios do mundo para deter a putrefacción. Agora debemos triunfar onde eles fracasaron. Hoxe, no día da vitoria da política do medo, o odio e a división, comprometémonos a loitar contra o Nacionalismo Internacional, a formar un Progresismo Internacional efectivo e poñer a paixón ao servizo do humanismo.
Otero Regal.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
