Cervo, 12 de novembro de 2016. O alcalde de Cervo, Alfonso Villares minte á veciñanza cando nega as responsabilidades do seu goberno que agora teñen como consecuencia unha sentenza do TS que permitirá reclamar indemnizacións ao promotor das 100 vivendas para as que o seu goberno deu licenza, posteriormente paralizadas por Cultura. Os concellos non so teñen a obriga de velar polo patrimonio cultural, tamén poden tomar medidas cautelares paralizando accións daniñas contra el. No caso do PP de Cervo non só non o fixo, senón que concedeu tres licenzas para construír na Atalaia entre o 28 de novembro de 2006 e o 18 de abril de 2007 sabendo da existencia dun xacemento desde setembro de 2005 por un informe arqueolóxico que o propio concello encargou, tal como recolle a sentenza do TS. Ademais o goberno local tiña constancia, e a obriga de protexer a zona desde maio de 2004, cando o pleno aproba a exposición pública do Avance do PXOM que especifica a necesidade de protexer a zona.
A sentenza deixa aberta a posibilidade de que se presenten reclamacións indemnizadoras ao concello tamén
A sentenza do TS deixa clara no fundamento de dereito segundo que o concello tiña coñecemento da existencia dun xacemento arqueolóxico inventariado desde setembro de 2005, este feito motiva o dereito da promotora a repetir reclamación contra o propio concello se o feito de existir xacemento inventariado motivaba a inconveniencia de conceder as tres licenzas, “será decisión da promotora facelo ou non, pero a porta tena aberta e deriva do feito de concedelas irregularmente, afirmou o portavoz municipal nacionalista, Luís Bernardo Insua.
O portavoz nacionalista “pide ao PP que lea a sentenza e deixe de mentir á veciñanza, as responsabilidades tanto na desfeita de parte do Castro da Atalaia, e agora no pago de indemnizacións págueas a Xunta ou págueas o concello veñen derivadas da concesión dunhas licenzas que nunca se deberon dar”.
Bernardo Insua engadiu que o Partido Popular no goberno municipal, prevaricou outorgando estas tres licenzas de construción, a cronoloxía de feitos déixao claro:
En maio de 2004 o pleno da corporación aproba a exposición pública do AVANCE do PXOM que inclúe un informe da empresa Moenia Arqueoloxía sobre a Atalaia reservando unha zona de protección pola existencia de restos arqueolóxicos. O goberno municipal obviou este feito na concesión das licenzas dous e tres anos despois.
En setembro de 2005 con motivo de escavación para cimentación do chamado “Observatorio de Aves” na Atalaia, aparece o concheiro castrexo do que alertou o propio BNG chamando ao concelleiro responsábel e á delegación provincial de Cultura que ordena ao concello a paralización das obras e un informe arqueolóxico que encarga o propio concello deixando como consecuencia o seu inventariado por Patrimonio, tal como consta no fundamento de dereito segundo da sentenza do TS. O goberno municipal ademais de retrasar o envío a Patrimonio das conclusións das catas arqueolóxicas realizadas ate o 5 de marzo de 2007, obviou a aparición do xacemento e os informes arqueolóxicos encargados, e concedeu a primeira das tres licenzas un ano despois, o 28/11/2006.
O 4 de xuño de 2007 A Delegación Provincial de Cultura remite ao Concello de Cervo vía fax con rexistro de saída número 79137 e rexistro de entrada no concello 2463 unha orde de paralización das escavacións realizadas por Promociones San Ciprián, S.L. para cimentación da primeira das tres licenzas de construción concedidas. O concello desoe esta orde e non comunica ao promotor a orde de paralización das obras ate a tarde do 8 de xuño, despois de que a Delegación Provincial de Cultura remitira unha segunda orde, o 7 de xuño, e de que veciñanza e militantes do BNG cortaran o paso a camións que trasladaban a un entullo de Morás restos arqueolóxicos do Castro xa inventariado da Atalaia do que se destruíron 1.000 m2.
O que se salvou do Castro da Atalaia foi garzas á veciñanza, ao BNG local, e á actuación da Delegación de Cultura en Lugo
Aínda que durante os catro días que o concello permitiu actuar as máquinas da promotora destruíronse arredor de 1.000m2 de xacemento, boa parte do Castro segue intacto e pendente de recuperar. Para o BNG e para moita xente coñecedora do caso que o goberno local do PP estivo mais pendente de facilitar o interese privado dun construtor que de salvar o patrimonio cultural, do que se tivo que ocupar a veciñanza, o BNG local, e a Delegación da Xunta en Lugo.
O Partido Popular no canto tratar de enganar á poboación para salvar o seu penoso papel, que busque recuperar e poñer en valor o que hai como lle está pedindo a veciñanza
O que debe facer o alcalde, afirmou Luís Bernardo Insua, “é buscar os recursos para recuperar e poñer en valor o Castro da Atalaia, hai moito por facer nos terreos públicos, hai moito por facer nos que son privados e deberan pasar a ser públicos. Hai dúas edificacións na Atalaia, unha delas en estado ruinoso que debera ser derruída, por aí debe traballar Villares, tal como lle pide a veciñanza e tamén lle reclamamos desde o BNG”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
