MUJERES EN IGUALDAD BURELA atópase realizando un curso de Intelixencia emocional, autoestima e coaching dirixido a mulleres vítimas de violencia de xero.
Este curso atópase integrado dentro do programa de inserción laboral para mulleres vítimas de violencia de xénero, subvencionado pola Secretaria Xeral de Igualdade da Xunta de Galicia, e cofinanciado pola Unión Europea PO Fondo Social Europeo Galicia 2014-2020, e forma parte das actividades que engloba o programa “Muller Rachando Cadeas” que Mulleres en Igualdade Burela vén desenvolvendo.
Este curso está a ser impartido de forma simultánea en Burela para toda a Mariña Lucense, e en Monforte de Lemos para a zona sur da provincia. Con este curso tentamos potenciar as habilidades sociais, a autoestima e mellorar a autoconfianza das mulleres que viviron un momento tan difícil como é a violencia de xénero- Manifesta Mary Fraga presidenta desta asociación.
Neste momento estamos a traballar dentro deste programa, con 56 mulleres que sufriron a violencia de xénero nas súas propias carnes, polo que o seu estado anímico sufríu unha importante deterioración e necesitan volver gañar confianza en se mesmas e descubrir o seu potencial para enfrontarse a esta sociedade e ao mundo laboral.
Traballamos con estas mulleres ao longo de todo o ano . Aínda que este programa comezámolo a desenvolver no mes agosto deste ano e finalizará no mes de abril do 2017, nós previamente xa viñamos desenvolvendo outro programa similar, aínda que non exclusivamente para mulleres vítimas de violencia de xénero, senón para mulleres en risco de exclusión social. P.R.I.A.P.E. chamábase o programa anterior, co que atendemos a outras 80 mulleres en situacion de exclusion social, e adquirimos a experiencia suficiente, para que programas como o P.R.I.A.P.E e o Muller Rachando Cadeas, teñan un impacto moi positivo cara á inserción laboral das mulleres que desde Mulleres En Igualdade estamos a tratar.
O axudar e traballar coas mulleres vítimas de violencia de xénero, o algo que hai que facer todo o ano, e aínda que o mes de novembro sexa o mes contra a violencia de xénero, e fanse moitos actos, presentacións, etc………..non é suficiente con que soamente participemos este mes contra a violencia de xénero. Esta loita e as actuacións necesarias deben de continuar durante os 365 días do ano, e só así conseguiremos que esta secuela social deixe de existir!
Durante este mes de novembro, Mulleres en igualdade Burela, ademais destes cursos que mencionamos, ten previstas outras actuacións: charlas e seminarios sobre violencia de xero noutros Concellos ademais de Burela, como Palas de Rei, Viveiro, Cervo……….etc, para os que contaremos coa presenza confirmada de Carmen Fúnez, Secretaria Xeral de Mulleres en Igualdade, Susana López Abella, Secretaria Xeral da Xunta de Galicia, Ana Pacio, xefa da Unidade Contra a Violencia de Xénero da Subdelegación de Goberno en Lugo, e Raquel Arias (aínda por confirmar).
Ademais, como todos os anos, Mulleres en igualdade Burela, poñerá unha mesa informativa diante do Concello de Burela o 25 pola mañá, e como non podía ser doutra forma, acudirá aos actos que están a organizar desde a Mancomunidade. Tamén aproveitaremos para presentar unha nova asociación de Mulleres en igualdade en Viveiro, que estará presidida pola veveirense Mariña Gueimunde.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
