A Fundación dos Premios da Crítica Galicia, que cada ano desde 1978 recoñece a excelencia e a relevancia dos labores individuais e colectivos máis destacados nos diversos ámbitos da creación cultural e da investigación en Galicia, ven de outorgar ao Observatorio da Mariña pola Igualdade o Premio da Crítica Galicia na convocatoria de Iniciativas Culturais e Científicas. Á hora de conceder este premio, fallado nesta fin de semana en Vigo, o xurado salientou que “esta iniciativa afonda no traballo necesario pola igualdade de xénero dando visibilidade ao esforzo das mulleres desde o campo literario ao científico. O xurado considerou, así mesmo, o esforzo engadido de xestar unha iniciativa cultural destas características na Mariña. A confluencia da muller, a lingua minorizada e a marxe xeográfica confire a este proxecto un carácter de múltiple subalternidade que consideramos digno de ser centro da nosa atención”.
O Observatorio da Mariña pola Igualdade manifesta que “é un orgullo recoller este premio e facelo en nome de todas as persoas que ao longo destes anos fixeron posíbel que a nosa actividade a prol da igualdade de xénero continuara a ser unha realidade. Este é un premio de todas as socias e socios que forman parte deste colectivo, así como daquelas persoas que coa súa participación e presenza apoiaron as actividades e reivindicacións feitas desde a asociación”.
Hai que recordar que o Observatorio da Mariña pola Igualdade, que comezou no 2008 a súa andaina, é o impulsor do feminismo organizado na Mariña e, actualmente, unha das asociacións feministas referentes a nivel galego. Neste sentido, desde o Observatorio recoñecen que “aínda que lentamente, o Observatorio crece con paso firme. Pouco a pouco fumos, durante estes anos, sacando adiante diferentes iniciativas culturais como charlas informativas, debates, video-forum, concertos, trivial fenimista ou as axendas feministas, e todo isto debémosllelo ás moitas mulleres e homes que colaboraron nas mesmas.
Desde o Observatorio queren ademais destacar que “ante a realidade teimuda da desigualdade, da discriminación e das violencias exercidas sobre as mulleres, seguiremos a desenvolver actos reivindicativos e de denuncia co único ánimo de intentar transformar a sociedade patriarcal nunha sociedade igualitaria. Sempre estaremos aí como facho que alumeará a conciencia de toda a nosa sociedade para facer valer a igualdade efectiva entre homes e mulleres”.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
