O Pescados Rubén-Burela FS recibirá este sábado o FSF Móstoles (18.30 horas), cita de despedida de Vista Alegre con Primeira RFEF ata 2017. A 11ª xornada será a penúltima antes do descanso de decembro, no que se disputará o Torneo Internacional 4 Nacións de Alcázar de San Juan (8-10 de decembro); antes, o 26 de novembro, as pupilas de Lucas e Julio Delgado terán que visitar o Universidad de Alicante.
“Xogar contra Móstoles é sempre complicado; é un equipo moi guerreiro. As súas mensaxes en redes sociais sobre o “Espremedor Laranxa” tomámolas como unha broma pero tamén como unha motivación para poder impoñer o noso ritmo de xogo na nosa casa e coa nosa afección para saír cos tres puntos”, explicaba a pichichi laranxa Dany Domingos, orgullosa dos seus 12 goles ata o momento que a posicionan como a referencia ofensiva indiscutible das galegas: “Gústame ter esta responsabilidade de poder axudar o meu equipo e as miñas compañeiras e ser referencia para as que están comezando agora e sigo traballando para axudar”, que aposta para mañá por “un contragolpe decisivo, facéndonos infranqueables en defensa”.
As burelás defenderán a cuarta praza (21 puntos) fronte ao undécimo clasificado (12 puntos), que chega á Mariña con catro derrotas consecutivas. “Despois da sufrida remontada do sábado en Leganés (2-4), estamos con moito ánimo e con ganas de seguir a boa etapa, intentar mellorar partido a partido, resolver as dificultades que estamos tendo en ataque e ter todas as xogadoras ao cento por cento. Fáltanos compenetración pola adaptación das incorporacións brasileiras e das rapazas novas, que estaban noutra categoría, pero con tempo, paciencia e traballo solucionarémolo” confesaba a 3 laranxa.
No vestiario burelista, R. Betim será baixa sobre tres semanas por unha rotura de fibras. Paula será dúbida de última hora; tampouco chegarán ao cento por cento nin Cilene nin Dany, por tendinite.
A luguesa Sabela Uriz, unha das caras novas desta tempada xunto a Helena, Sofía e Elvira, non continuará na disciplina laranxa, que lle agradece a dedicación prestada durante estes meses e lle desexa sorte nos seus novos proxectos.
Convocatoria Pescados Rubén Burela FS: 1. Jozi, 3. Dany, 6. Silvia, 10. Lara, 13. Nerea, 14. Bea Mateos, 15. Judith, 16. Cilene, 17. Sofía, 18. Shiori, 19. Paula, 26. Elvira.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
