Cervo, 11 de novembro de 2016. A 7.398.268 euros ascende o orzamento do Concello de Cervo para o 2017, un 18 por cento máis que os do exercicio actual. Os investimentos son de 1.050.000 euros e a partida de gastos persoal é a máis elevada con 2.847.000 euros. Estes presupostos foron presentados este venres polo goberno municipal aos grupos da oposición.
Alfonso Villares manifestou que “hoxe pola mañá acaba de ter lugar a comisión especial de contas que fixemos no Concello de Cervo para abordar sobre todo un tema moi importante para o Concello e para todas as administracións, como son a elaboración e a presentación dos presupostos. Nós, desde o goberno do Concello de Cervo, xa temos elaborados os presupostos e hoxe nesta comisión o que fixemos foi presentárllelo aos distintos grupos da oposición”.
O alcalde de Cervo asegurou que “son uns presupostos onde xa temos as súas cifras globais e falamos dun orzamento nivelado en ingresos e gastos dun total de 7.398.267,77 euros; iso supón un 18 por cento máis do presupostado para este ano 2016”.
A concelleira de Facenda, Dolores García Caramés, detallou que “en concreto na partida de gastos temos un total de 2.847.000 euros para gastos de persoal. Hai 2.825.000 euros para gastos correntes; 8.000 euros para intereses; en transferencias correntes, 401.000; para investimentos reais temos 1.050.000 euros; e en pasivos financeiros, 266.000 euros”.
A edil salientou que “no apartado de ingresos temos en impostos directos 2.548.000 euros, 223.000 euros en impostos indirectos, en taxas e outros ingresos 3.080.000 euros, en transferencias correntes 1.143.000 euros e en ingresos patrimoniais 18.000 euros. Ademais en transferencias de capital, que estamos a falar de subvencións por parte doutras administracións, 385.000 euros”.
Villares subliñou que “son unhas cantidades que ao final conforman estes cerca de 7,5 millóns de euros de presuposto que ten o Concello de Cervo para o ano 2017. Son uns presupostos inversores, ademais de prudentes e realistas, que ademais dan continuidade a un proxecto para garantir sobre todo a prestación de todos os servizos coa mesma calidade que ata agora desde o Concello de Cervo. Creo que tamén unha das súas características é que están orientados basicamente ás areas estratéxicas que están relacionadas co benestar dos nosos veciños”.
Ademais o alcalde de Cervo anunciou que “agora o seguinte trámite será levar a pleno estes presupostos, sesión que convocaremos en vindeiras datas”.
“O concerto queda posposto para outro domingo no que Toxo Guayaba nos poida acompañar. Iremos informando”, explican desde a organización.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
Foi promovida polo ximnasio ABFitness en colaboración co Concello de Ribadeo para promover a vida activa e o deporte neste municipio. O concelleiro de Deportes, Francisco José Silvent, declarou: “agardamos seguir a colaboración e que cheguen a este concello máis actividades e propostas para impulsar a vida activa e o estilo de vida saudable”.
López Campos salientou o apoio da Xunta a esta cita pola súa relevancia cultural e polo seu papel na dinamización do rural, así como pola forte implicación veciñal que a sostén. Durante o acto, entregou un dos premios do concurso escolar de relato e debuxo, integrado nun programa que combina artesanía, produtos de calidade, obradoiros e música. Pola súa banda, Iria Castro percorreu os postos das filloeiras, que ofreceron centos de racións deste doce tradicional aos numerosos visitantes. A deputada tamén visitou o punto de degustación de xamón de porco celta do programa Un gusto de rural, un rural degusto e o posto de divulgación Lambiscadas Científicas, dúas propostas impulsadas coa colaboración da Vicepresidencia da Deputación e integradas na programación da feira.
Carlos López destacou que a Deputación colabora con esta cita –a través dunha achega de 3.000€- porque é unha das celebracións gastronómicas máis coñecidas do norte de Galicia, capaz de poñer en valor a tradición culinaria e a riqueza natural do entorno. Durante toda a mañá tiveron lugar na contorna da Praza dos Fornos os concursos de lance e mosca, unha exhibición de pesca, a pesada e as clasificacións. Xa pola tarde, tras a entrega dos trofeos, tivo lugar a verbena a cargo de Suavecito e Pedro Bermdez.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A presentación correrá a cargo de Marisa Barreiro, presidenta do IESCHA. O acto terá lugar o venres 8 de maio de 2026, ás 20:00 horas, na Casa da Cultura de Vilalba.
