Os socialistas de Mondoñedo acusan a Candia de “ter moi pouca vergoña política e de non mover nin un só dedo” co derrubamento de Pausalido en Argomoso

MONDOÑEDO (Lugo), 11 de novembro de 2016. A portavoz do Partido Socialista de Mondoñedo Esperanza González acusou este venres á Alcaldesa de Mondoñedo “de ter moi pouca vergoña política, e de non mover nin un só dedo”, en relación ao derrubamento no accesos ao Barrio de Pausalido en Argomoso no ano 2013.

A voceira socialista pregúntalle á rexedora “que fixo ela e o Partido Popular para darlle unha solución a ese problema?. Absolutamente nada de nada, criticar e criticar, e cruzarse de brazos. Si hoxe esa obra esta feita foi gracias ao compromiso do goberno progresista da Deputación, que sempre se amosou sensible aos problemas dos mindonienses”.

González pregúntalle a Candia si como deputada provincial rexistrou algunha iniciativa na Deputación para solventar esta situación. Ademais afirma que non entende o cinismo político da rexedora, xa que a 1 km aproximadamente deste barrio de Pausalido, a Xunta vai realizar unha pasarela de madeira para acondicionar á Cova do Rei de Cintolo que vai custar 80.000 euros. “Isto quere dicir que no ano 2013 a Xunta non tiña financiamento para realizar esta obra de emerxencia social, pero 3 anos despois, si que ten 80.000 euros para facer unha pasarela de madeira a 1.000 metros de onde ocorreu este derrube”.

A voceira pregúntalle “porque castigou o PP aos veciños de Pasusalido sen darlle unha solución?, que fixo o PP, a Xunta e Candia para atopar unha solución que afectaba a escolaridade dunha nena?. Porqué a Xunta, Candia e o PP non moveron un só dedo para atopar unha saída a este problema?”.

González lémbralle a Candia que tanto o Concello de Mondoñedo, como a Deputación, tiveron que dar resposta a unha situación de emerxencia, ante o abandono da máxima institución autonómica e do PP.