Cervo, 2 de novembro de 2016.-Un total de 15 alumnas e alumnos participaron en Cervo nun curso de atención sociosanitaria a persoas dependentes que rematou este mércores e estivo dirixido a desempregados. O orzamento ascendeu a 32.646 euros e foi financiado pola Xunta. O alcalde, Alfonso Villares, e a concelleira de Servizos Sociais, Pilar Armada, visitaron nesta xornada ao alumnado.
O rexedor cervense declarou: “fixemos unha visita aos alumnos que estiveron realizando un curso dentro da programación de accións formativas dirixidas prioritariamente ás persoas traballadoras desempregadas na nosa comunidade. O curso versaba sobre atención sociosanitaria a persoas dependentes en institucións sociais e foi financiado integramente pola Xunta de Galicia cun orzamento total de 32.646 euros”.
Alfonso Villares subliñou que “un total de 15 alumnos foron os que estiveron realizando este curso. Empezou o 11 de xullo deste ano e remata no día de hoxe. Impartiuse nun dos edificios públicos que ten o Concello de Cervo aquí, na nosa capitalidade. Levamos varios anos realizando este tipo de cursos no noso concello. Entendemos que este é un nicho de mercado importante para aquelas persoas do municipio que non teñen nestes momentos unha saída laboral; e por iso apostamos para facer este tipo de cursos de atención sociosanitaria”.
O alcalde asegurou que “con isto o que queremos é darlle esa formación necesaria ás persoas desempregadas. E imos seguir apostando para estes próximos anos ben por este tipo de cursos ou por outros en función das demandas, sempre con informes técnicos previos, que sexan máis prioritarias para que as persoas desempregadas do noso concello poidan atopar unha saída laboral para o seu futuro”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
