O presidente do Goberno galego, Alberto Núñez Feijóo, destacou este luns o compromiso, entusiasmo e o espírito inconformista dos delegados territoriais da Xunta para seguir traballando nesta lexislatura e lograr novas metas colectivas. “Empezamos un novo mandato con novos folgos, con máis ilusión ca nunca e con máis experiencia”, aseverou, lembrando que o pobo galego sempre estará lexitimado para pedir máis a este novo Executivo autonómico.
Durante o acto de toma de posesión do director xeral do gabinete da Presidencia e dos delegados territoriais da Xunta na Coruña, Lugo, Ourense, Pontevedra e Vigo, Feijóo pediulles a todos eles que aprendan da xente e do pobo ao que van servir, incidindo en que a súa principal responsabilidade é ser “os ollos e os oídos” do Goberno galego no ámbito territorial, onde van prestar os seus servizos. “Sodes os primeiros que van oír o que a xente quere e demanda e, polo tanto, trasladar ao Goberno as súas inquedanzas e preocupacións”, abundou.
Do novo delegado territorial da Coruña, Ovidio Rodeiro, Feijóo resaltou a súa capacidade para combinar “dúas variables que imos perseguir durante esta lexislatura: ser un político bo e ser un político novo”; do novo delegado territorial de Lugo, Xosé Manuel Balseiro, resaltou o seu coñecemento da provincia e de Marisol Díaz a súa experiencia e o seu bo facer.
Así mesmo, referiuse a Manuel Cores Tourís como o exemplo de que a política municipal é unha das mellores escolas de formación, e a Ignacio López Chaves pediulle que manteña a paixón que o caracteriza na súa responsabilidade na Área Metropolitana de Vigo.
Logo de destacar tamén a formación e capacidade analítica do director xeral do gabinete da Presidencia, Álvaro Pérez López, o titular da Xunta concluíu garantindo o compromiso de seguir traballando e servindo ao pobo galego: “Rexeitar o catastrofismo, recoñecer os méritos do noso pobo, a súa capacidade de loita, o seu compromiso coas tarefas colectivas. Pero aceptar a realidade, entender que segue habendo problemas en moitas familias galegas que debemos atender, e moitas ilusións que debemos tentar satisfacer, é o primeiro paso para seguir logrando novas metas”, dixo.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
