A plantilla de traballadores e traballadoras de Costiña S.L. decidiu, en asemblea, comezar mobilizacións polas débedas e os continuos retrasos nos pagos que a empresa vai acumulando dende hai xa dous anos. A orixe do problema ven cando nun momento especialmente delicado, a empresa decide, unilateralmente, fraccionar o pago das nóminas en dúas veces. Pero o que ía ser unha medida coxuntural e momentánea para facer frente a ese delicado momento, estase convertendo nunha costume rutinaria que leva demasiado tempo instalada sen que a empresa amose a máis mínima intención de retomar a normalidade nese senso. E, por outra parte, a maiores, eses pagos fraccionados cada vez acumulan máis retraso de tal xeito que a primeira metade da nómina pásase ao redor do día 20 de cada mes, impedindo facer frente ás obrigas con bancos, recibos de servizos domiciliados etc que non agardan nin entenden ningún tipo de situación por difícil que sexa.
No pasado mes de setembro, nunha reunión coa representación dos traballadores, a dirección da empresa comprometeuse a normalizar a situación dos pagos a partir do mes de xaneiro e mentres, de forma transitoria, abonar no que quedaba de ano a segunda parte da soldada de cada mes antes do día 25 do mes seguinte e dividir a extra de verán en catro prazos percibindo ese 25% da extra antes do día 8 de cada mes. Pois a día de hoxe en ningún caso se cumpliron estes prazos cobrando a plantilla a segunda metade da nómina de outubro nos primeiros días do mes de decembro e vendo como o que ían ser catro prazos dun 25% da extra de verán se convertiron unilateralmente en 5 prazos dun 20%. Ademais xa se lle adiantou ao comité de empresa que a promesa de normalizar pagos a partir de xaneiro non se ía poder cumplir nin nas nóminas de cada mes nin na extra de Nadal que tamén se adebeda.
Alfoz 28-12-16. En definitiva que ademais dos continuos retrasos nos pagos, das promesas incumpridas, e da incertidume de non saber cando se vai cobrar, a día de hoxe a débeda elévase xa ao 60% da extra de verán, o 100% da extra de Nadal e o 50% da nómina de novembro polo que a situación dos traballadores comeza a ser insostible, nunhas datas ademais especialmente delicadas . Cómpre lembrar tamén que o convenio colectivo de empresa leva sen negociarse dende 2014 polo que dende ese ano de facto a plantilla xa viu conxelado o seu salario.
O curioso do caso é que a empresa tén carga de traballo, ata o punto que está obrigando a traballadores a traballar en sábado e está contratando máis persoal sobre todo nun e noutro caso persoal de ETTs.
Os representantes dos traballadores mantiveron xa en reiteradas ocasións contactos coa empresa para tratar de buscar unha solución sen que se vira ningunha vontade por parte da mesma para poñer fin a esta situación.
E é por isto, que se viron na obriga de convocar unha asamblea na que a plantilla decidiu denunciar públicamente esta situación e iniciar mobilizacións que se concretarán e anunciarán debidamente unha vez rematen as festas de nadal.
COMITÉ DE EMPRESA COSTIÑA S.L.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
