Burela (Lugo), 1 de decembro de 2016.- O presidente da Xunta, Alberto Núñez Feijóo, destacou este xoves a importancia estratéxica que o novo acceso ao porto de Burela e o remate, proximamente, da vía de altas prestacións entre Celeiro e San Cibrao suporán para a actividade económica da Mariña.
Durante a posta en servizo do novo acceso ao porto, Feijóo subliñou, nun primeiro termo, que con esta infraestrutura “abrimos un novo camiño directo entre o mar de Burela e o resto de Galicia e Asturias, facilitando o tráfico relacionado coa actividade portuaria e, ao mesmo tempo, eliminando a invasión de camións das rúas que deben servir, en exclusiva, á vida urbana dos veciños”.
Nesta mesma liña, lembrou que se trata de unha obra “demandada, moi agardada e sobre todo, necesaria” para seguir alimentando esa simbiose tan proveitosa entre Burela e o mar, sen que para iso os seus habitantes paguen como peaxe as molestias e incomodidades do tráfico pesado.
“Estamos, polo tanto, ante unha aposta por seguir impulsando a actividade pesqueira da Mariña; por consolidar Burela como porto comercial de referencia e por facer todo iso compatible coa calidade de vida dos veciños deste municipio”, redundou, ao que engadiu que, cun investimento de máis de 8 millóns de euros, se trata dunha vía de comunicación que minimiza o seu impacto ambiental, que é coherente coas previsións do planeamento urbanístico municipal, que cumpre coas cautelas marcadas en relación co castro do Campón e que inclúe un paso inferior para salvar a liña do Feve, que foi, ademais, desprazada.
Reforzar a competitividade do porto de Burela
O responsable do Executivo autonómico incidiu en que este novo acceso chega para reforzar a competitividade dun porto puxante. Non en van, cómpre resaltar que Burela é sinónimo do mellor bonito do norte, de xarda, de pescada, de sardiña, de conservas excelentes e de moitos outros produtos de primeira calidade que chegan do océano ata un dos portos máis importantes da cornixa Cantábrica.
Nos seus peiraos descárganse anualmente unha media de 25.000 toneladas de peixe, acadando unha facturación de 67 millóns de euros en cada exercicio. E na actualidade é o cuarto porto galego en volume de descargas e o segundo en facturación, só por detrás de Vigo.
“Estamos a falar, polo tanto, dun novo acceso á dársena que chega para reforzar a súa posición de liderado tanto no plano pesqueiro como desde o punto de vista loxístico e mercantil”, dixo, precisando que, grazas á nova conexión, se verá mellorado o movemento comercial de pesca no porto, facilitando a circulación do peixe que chega por estrada procedente doutros peiraos, así como do que sae tamén por vía terrestre cara aos mercados centrais ou cara aos portos da Coruña e Vigo para a súa segunda venda.
Esta nova infraestrutura servirá ademais de pulo ao movemento doutras mercadorías, axudando especialmente ao tránsito dos camións de madeira. E contribuirá a aproveitar a potencialidade loxística e operativa do porto, integrando na oferta de solo empresarial desta localidade o espazo dispoñible do porto.
Remate da vía de altas prestacións entre Celeiro e San Cibrao
No tocante á vía de altas prestacións entre Celeiro e San Cibrao, Feijóo recordou que esta infraestrutura, que se rematará nas vindeiras semanas, supón un investimento público de 50 millóns de euros executados en plena recesión económica.
Así mesmo, asegurou que ademais de axudar o dinamismo dos peiraos de Viveiro e Cervo, beneficiará de forma importante aos veciños de Xove, liberados tamén, como os de Burela, do paso diario dun intenso volume de tráfico pesado.
O titular da Xunta rematou a súa intervención referíndose a outra infraestrutura que está tamén en plena execución: a ampliación e mellora do Hospital da Costa. Un proxecto destinado a dotar a Mariña lucense dun hospital de referencia máis grande e máis moderno, accesible e mellor adaptado ás necesidades de pacientes e profesionais.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
