A Pontenova, 1 de decembro de 2016.- O Grupo Municipal do PP da Pontenova denuncia que o Concello non ten alcalde, posto que quen ocupa a praza, o socialista Darío Campos, “está desaparecido”. Os populares sosteñen que, desde que foi nomeado presidente da Deputación de Lugo, A Pontenova está sen alcalde a todos os efectos.
O voceiro dos populares, David Álvarez, censura que o rexedor non exerza as súas funcións e non se preocupe “o máis mínimo” por darlle solución aos problemas da veciñanza. “Cada día son máis os veciños e veciñas que nos contan que se achegan ao Concello para falar con el e nunca está”, engaden.
Os populares pensan que se Darío Campos non ten interese en xestionar o Concello da Pontenova “o máis lícito é que lle deixe o posto a outra persoa”. Insisten ademais en que está a Gobernar cun proxecto que leva tempo esgotado, e que agora o está moito máis.
Desde o Grupo Municipal do PP consideran que a Pontenova se merece un alcalde a tempo completo e cun proxecto que permita que a localidade avance e non queda, como xa está, estancada e sen miras nin iniciativas de cara o futuro.
Falta total de transparencia
A esta deixadez de funcións por parte do rexedor súmase unha falta total de transparencia por parte do Goberno local. Así, os populares pediron no último Pleno que actualizaran a páxina web para poder controlar a acción do Goberno.
Na actualidade, censuran os populares, a información do portal oficial do Concello non está actualizada, non se poden atopar os decretos de Alcaldía nin información sobre os concursos públicos, polo que non cumpre coa función que lle é propia.
“Dinnos que todo o temos que pedir por escrito a través do secretario, o que non só obstaculiza a nosa labor como oposición, senón que ademais alonxa aso veciños e veciñas da súa administración máis próxima”, engade o voceiro do PP.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
