Hai uns días dende o PP de Viveiro lamentábamos a non contratación dun axente de emprego por parte do Concello de Viveiro (perfectamente compatible e complementario co actual orientador laboral). No seu escrito de resposta á Sra. Alcaldesa reclamaba nun medio de comunicación – A Mariña do Progreso do 3 de decembro – que mostrásemos a mesma vehemencia para esixir á Xunta explicacións que xustificaran por que esa Administración denegara ó Concello, dúas veces e en anos consecutivos, os obradoiros de emprego.
Dende o PP de Viveiro entendemos que a Viveiro non ten que corresponderlle máis ca ninguén, pero tampouco menos do que lle debería de corresponder, por este motivo solicitei unha entrevista con novo Delegado da Xunta en Lugo José Manuel Balseiro para que nos explicase este feito denunciado pola Alcaldesa. As explicacións dado polo mesmo falan por si solas:
1. No ano 2015 non figuran solicitudes do Concello de Viveiro nin para os obradoiros ordinarios nin para os de garantía xuvenil.
2. No ano 2016 o concello solicita subvención para os obradoiros de emprego dentro dos programas mixtos de emprego e formación. Dende a Xunta se lle fai un requirimento de documentación, o 28 de marzo de 2016 recibido no Concello o 31 de marzo tal e como consta no xustificante de recepción , por estar o expediente incompleto. Da documentación solicitada o Concello non presentou nin o certificado expedido polo secretario ou cargo equivalente da entidade promotora que acreditase a titularidade xurídica dos locais e a súa dispoñibilidade para a execución da obra ou servizo que se ía a realizar, nin presentaron as autorizacións administrativas esixibles atendendo á natureza xurídica e ao réxime de protección de obxectos sobre os que se actúa.
3. No ano 2016 o Concello presenta solicitude de subvención para o fomento do emprego a través dos programas mixtos de emprego, dirixidos a mellorar a empregabilidade, a cualificación e a inserción profesional das persoas mozas incluídas no ficheiro do Sistema Nacional de Garantía Xuvenil. Novamente e dado que o expediente estaba incompleto, a Xunta lle fai un requirimento para completar a documentación – o 29 de marzo de 2016 e que foi recibido no Concello o 4 de abril -. Da documentación solicitada o Concello non presentou nin o certificado expedido polo secretario ou cargo equivalente da entidade promotora que acreditase a súa dispoñibilidade para a execución da obra ou servizo que se ía a realizar, nin o certificado onde constasen as fontes do financiamento da parte do custe do proxecto que non era subvencionado pola Consellería de Economía, Emprego e Industria: a cantidade que certificaba non se correspondía coa que figuraba na memoria.
Resulta pois evidente que ningún dos dous expedientes se aprobou o estar ambos incompletos.
Como se pode comprobar as explicacións están claras, no 2015 non se conceden porque non se solicitan e no 2016 déixanse escapar por non completar a documentación requirida, polo que queda patente unha vez máis a deixadez e falta de xestión da Sra. Loureiro, quen ademais intenta enganar os veciños de Viveiro facéndolles crer que é vítima do pouco caso que lle fan dende a Xunta cando a realidade e ben distinta tal e como se pode comprobar.
Dende o PP de Viveiro seguirémoslle reclamando vehementemente que se gañe o soldo que lle pagamos todos os veciños de Viveiro para que xestione axeitadamente o noso Concello e que non deixe escapar oportunidades como consecuencia da súa escasa xestión e poucas gañas de traballar, porque como ocurriu neste caso concreto si se tivera completada a documentación que se lles pediu, ó mellor esa cifra de 1111 parados en Viveiro no mes de novembro se houbese visto sensiblemente reducida.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
