Burela 14-1-17. O Pescados Rubén Burela iniciou o partido con presión en tres cuartos de cancha ante un Penya Esplugues Gironella que optaba de inicio por esperar en cancha propia as acometidas visitantes. Co paso dos minutos as lucenses, que intentaran sorprender con disparos de media distancia, optaban por atrasar a súa presión a metade de cancha. Nun roubo de balón en cancha propia, Berta Velasco gañaba liña de fondo polo á esquerda e poñía o balón ao corazón do área para que Pilar anotase o 1 a 0. Pouco despois nun novo roubo Berta Velasco plantábase ante Jozi nunha dobre ocasión para as locais. O empate chegaba a catro minutos do descanso obra de Dany en xogada de estratexia á saída dunha falta, con disparo dentro do área ao segundo pau. A tres minutos da conclusión as galegas optaban polo xogo de cinco para voltear o luminoso, pero sen consecuencias.
Na segunda parte, tras uns primeiros compases de dominio infrutuoso lucense, o Pescados Rubén Burela optaba de novo por volver situarse sobre a cancha co xogo de cinco co fin de buscar espacios no bo facer defensivo das catalás. As burelesas alternaban en ocasións o xogo de cinco, pero malia os seus achegamento de perigo non culminaban a remontada que tanto buscaban, ante un conxunto catalán que á contra seguía creando moito perigo. A pouco máis de catro minutos da conclusión, nunha xogada en estático co xogo de cinco, o Burela poñía o 1 a 2 con gol dentro do área de Lara remachando un disparo desde fóra do área de Cilene.
Co 1 a 2, Robert Caneda técnico local optaba polo xogo de cinco con Laura Oliva como porteira xogadora. Esta aposta das locais convertía o tramo final do partido nun auténtico ida e volta, cun Burela intentando xa contemporizar as súas posesións e tratando de matar o partido á contra. O choque, con todo, a pesar do empuxe catalán, finalizaba coa exigua vitoria visitante por 1 a 2.
Gironella: Raquel; Berta Velasco, Alicerce, Zoe e Celia (quinteto inicial). Tamén xogaron, Noe, Marta, Berta Ramos, Sandra, Helena Roig, Julia Vidal e Laura.
Pescados Rubén Burela: Jozi; Dany, Lara, Bea Mateos e Cilene (quinteto inicial). Tamén xogaron, Silvia, Shiori, Sofía e Elvira.
Goles: 1-0, m.9, Pilar; 1-1, m.16, Dany; 1-2, m.35, Lara.
Colegiados: Óscar Núñez e Roberto Vigeriego. Sen amonestaciones.
Incidencias: Partido correspondente á xornada 14 de Primeira División. Disputado en Lles Moreres. Máis de 100 espectadores.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
