Lugo 12-2-17. A Fundación TIC contribuirá á difusión do X Campionato Internacional de Baristas de Foz, que terá lugar do 15 ao 17 de febreiro. Alumnos de 2º de Realización da Escola de Imaxe e Son, EIS, encargaranse do streaming o do X Campionato Internacional de Baristas de Escolas de Hostalaría, que emitirá a través do seu canal de Facebook Life. Ademais, un equipo da TIC dará sinal a dúas pantallas de plasma para seguir in situ o resto dos certames, o V Campionato Internacional de Baristas Profesionais e o de Catas de Café. Hai unha década ca TIC colabora coa organización do certame, por mor do convenio que ten asinado co IES de Foz.
Tres días de demostracións
As demostracións abriranse o mércores, 15 de febreiro ás 17:00 horas coa final do X Campionato Internacional de Baristas de Escolas de Hostalería, ao que seguirá o V Campionato Internacional de Cata de Cafés. Ás 20:00 horas terá lugar a entrega de trofeos do certame de cata, e ás 20:30 horas unha demostración de Tiraxe de Cervexa. O xoves, día 16, ás 9:30 horas comeza a última fase da final do Campionato de Baristas de Escolas de Hostalaría. Ás 13:30 horas fará unha demostración o Campión de España en Latte Art, Héctor Hernández, e ás 14:00 horas será a entrega de premios.
O último día, o venres 17 estará adicado ao V Campionato Internacional de Baristas que se desenvolverá a partir das 9:00 horas, para concluír coa entrega de trofeos ás 14:30 horas.
Nesta edición participarán 14 Escolas de Hostalaría de Galicia, Asturias, Cantabria, País Vasco e Castela León, e 12 profesionais de prestixio no sector.
Prácticas profesionais
A colaboración da TIC é unha práctica do módulo de Realización de Televisión da EIS e nela 15 alumnos de 2º curso, co apoio de docentes, realizarán, gravarán e emitirán en directo as demostracións do Campionato. Co material que se obteña, os estudantes editarán un vídeo, que se entregará aos responsables do IES de Foz. Os alumnos da EIS empregarán catro cámaras autónomas, un control móbil, e o equipamento preciso para o streaming. Cada estudante rotará por todos os postos, dende realización, son ou operador de cámara, e estarán pendentes de todo o equipo necesario para o directo.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
