Viveiro 12-2-17. A Agrupación presenta unha moción para debater no vindeiro pleno onde propón asesorar ás persoas afectadas a través da Oficina Municipal de Información ao Consumidor.
O portavoz municipal de SON VIVEIRO, Marcos Besada Álvarez, comunicou que o seu Grupo Municipal vén de presentar unha moción para o seu debate no vindeiro pleno ordinario na que lle propoñen ao Concello a
posta en marcha dun dispositivo especial de asesoramento a aqueles consumidores e consumidoras que requiran información sobre as devolucións das cláusulas solo a través da Oficina Municipal de Información ao Consumidor.
Besada afirmou que a cláusula solo lle impide aos clientes que a cota da súa hipoteca se reduza cando descende o índice de referencia do seu préstamo hipotecario, xa que aplica un interese mínimo a pagar sempre que o Euribor estea por debaixo do valor que marque a cláusula.
O solo hipotecario non lle afecta ás hipotecas fixas, xa que o interese neste tipo de préstamos hipotecarios non está referenciado a ningún índice, polo que non varía e as cotas sempre son as mesmas.
“É un abuso máis da banca para as persoas usuarias, que desde SON VIVEIRO vimos denunciando, e felicitámonos da última decisión do Tribunal Europeo neste sentido, concedendo a retroactividade total nas cláusulas chan”.
O Concelleiro incide na resolución da sentenza, segundo a cal “a declaración xudicial do carácter abusivo dunha cláusula debe ter como consecuencia o restablecemento da situación na que se atoparía o
consumidor de non ter existido dita cláusula”.
Desde SON VIVEIRO, coincidindo coas asociacións de defensa das consumidoras e dos consumidores, aconséllanlle ás persoas usuarias que, para recuperar o seu diñeiro, antes de dar o paso de acudir aos
tribunais deben dirixirse á entidade bancaria e reclamar as cantidades.
“Pero é moi posible que o banco se negue e que ofreza a firmar un acordo trampa polo que só devolvería unha parte, podándose incorrer nun erro xeral de “máis vale paxaro en man que cento voando”, entrando por tanto noutro abuso por parte dos que teñen máis medios para a negociación”.
É por iso, e nese mesmo sentido, que consideran necesaria a creación de tal dispositivo de información municipal, que garantirá o respecto dos dereitos dos consumidores para que estes estean ben asesorados desde o primeiro minuto.
Por último, Marcos Besada comunica que a moción inclúe un punto dispositivo a maiores, no que se lle propón ao Concello que inste á Deputación Provincial a colaborar cos concellos da provincia para
facilitar os recursos necesarios que permitan que os consistorios poidan levar a cabo esta función de asesoramento.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
