Lugo, 14 de febreiro de 2017.- O delegado territorial da Xunta, José Manuel Balseiro, instou aos produtores de pataca -tanto profesionais como de autoconsumo- e tamén aos comercializadores dos 31 concellos afectados pola praga da couza, a que comuniquen a Medio Rural as plantacións que teñen realizadas e tamén as vendas de semente que poidan levar a cabo antes de que entre en vigor a prohibición que establecerá a normativa estatal, próxima a ser aprobada.
Lembra que esta medida servirá tanto para facer o seguimento e control desta praga, evitando o movemento deste tubérculo a outras zonas limpas, como para poder optar a futuras axudas.
Ampliar as medidas de seguimento e control
Neste senso o delegado explicou que hoxe mesmo o Diario Oficial de Galicia (DOG) publica a resolución pola que se vén de ampliar as medidas urxentes para a erradicación e control da praga e na que se reforza a vixilancia, tanto na orixe como na venda de patacas, e tamén nos mercados locais, competencia exclusiva dos concellos.
En todo caso, e á espera do decreto definitivo do Ministerio de Agricultura e Pesca, Alimentación e Medio Ambiente que establecerá as prohibicións con respecto ás patacas e áreas afectadas, a Xunta aconsella non realizar a plantación de cultivo deste tubérculo nas zonas demarcadas.
Balseiro afirmou que “se están a arbitrar as medidas necesarias para, por un lado, frear a praga, e por outro, evitar na medida do posible prexuízos ás persoas que xa mercaron ou plantaron a semente”.
En calquera caso, insistiu en que mentres non se aproba a normativa estatal, recoméndase non realizar a plantación de cultivo de pataca nas zonas demarcadas. Tras a publicación do programa nacional de control e erradicación do patóxeno, a presenza da praga nos cultivos das zonas afectadas suporá que estes sexan declarados como infestados, e procederase á arrinca e destrución da colleita.
Intensa campaña informativa
A Delegación Territorial da Xunta continuará nos vindeiros días co calendario de charlas que se desenvolverán en catorce concellos da provincia, todos os que o solicitaron. Así, sumáronse nos últimos días os municipios de Trabada, Barreiros, A Pontenova, Ourol, Foz e Burela de forma que o calendario -a expensas de novas incorporacións-, queda como segue:
• Martes día 14, ás 20 horas, en Xove, no salón de actos do Centro Cívico
• Mércores día 15, ás 12 horas, en Abadín, no salón de actos do Concello
• Mércores día 15, ás 20 horas, en Mondoñedo, no Centro Comarcal
• Xoves día 16, ás 20,30 horas, en Ribadeo, no salón de actos da Casa do Mar
• Venres día 17, ás 18.30 horas, en Trabada, no salón de actos da Casa da Cultura
• Venres día 17, ás 20.30 horas, en Riotorto, no Centro Sociocultural
• Luns día 20, ás 19 horas, en Alfoz, no salón de actos da Casa da Cultura
• Luns día 20, ás 21 horas, no Valadouro, no salón de actos da Casa da Cultura
• Martes día 21, ás 19 horas, en Viveiro, no salón multiusos da Casa do Concello
• Martes día 21, ás 21 horas, no Vicedo, no Centro Sociocultural
• Mércores día 22, ás 19 horas, en Barreiros, no local de San Xusto
• Mércores 22, ás 21 horas, na Pontenova, no salón de actos da Casa da Cultura
• Xoves 27, ás 19 horas, en Ourol, no edificio multiusos
• Xoves 27, ás 21 horas, en Foz, na Casa da Cultura
• Mércores 1 de marzo, ás 20 horas, en Burela, na Antiga Biblioteca
Cabe lembrar que esta rolda de sesións informativas xa se preveu na primeira toma de contacto que mantiveron o pasado luns o delegado e a directora xeral de Gandaría, Agricultura e Industrias Agroalimentarias, Belén do Campo, cos responsables dos 18 municipios lucenses nos que se rexistrou o problema.
A Delegación Territorial está a levar a iniciativa para achegar as explicacións oportunas aos veciños e veciñas dos 18 concellos lucenses afectados polo problema e lograr a súa colaboración co obxecto de frear o avance da praga.
A área afectada pola praga na provincia de Lugo está conformada polos concellos do Vicedo, Viveiro, Xove, Cervo, Burela, Foz, Barreiros, Ribadeo, Trabada, Lourenzá, Mondoñedo, Alfoz, O Valadouro, Ourol, Abadín, A Pastoriza, Riotorto e A Pontenova.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
