Lourenzá, 14 de febreiro de 2017.- O Grupo Municipal do Partido Popular de Lourenzá felicítase tras as declaracións da alcaldesa do municipio, Rocío López, nas que se compromete a celebrar unha xornada informativa sobre a praga da pataca. Os populares consideran “moi positivo que, polo menos, a labor da posición faga reaccionar a alcaldesa para informar de primeira man aos veciños dos efectos deste insecto nas colleitas, das medidas postas en marcha para frear a súa expansión e das distintas axudas e normativas que son de aplicación”.
A voceira dos populares, Emma Álvarez, considera que “é de sabios rectificar” polo agradecen que a alcaldesa socialista “se dese de conta da súa actitude de pasotismo” e se comprometese a pensar nos intereses dos produtores de pataca xa que “coa súa desidia estaba a privar aos veciños das xornadas informativas que técnicos da Xunta de Galicia celebrarán nos municipios afectados pola praga da pataca”.
De todos xeitos, Emma Álvarez aclara que a rexedora socialista non solicitou “polo momento, sumarse ás charlas informativas que ofreceu a Consellería do Medio Rural e a Delegación da Xunta en Lugo”, polo que lle “esixe que non deixe pasar un minuto máis” e que sexa quen de poñerse en contacto coa Delegación da Xunta e solicitar a celebración dunha xornada informativa en Lourenzá.
Dada esta situación, dende o Grupo Municipal do Partido Popular esíxenlle a Rocío López que cumpra co seu compromiso e que a súa “rectificación se faga efectiva xa, pensando no interese dos produtores deste tubérculo, a maioría deles veciños que plantan para o autoconsumo” e rectificando, engaden “por unha vez, a súa actitude de desprezo polos asuntos que son de interese da veciñanza”.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
