Foz, 14 de febreio de 2017. O BNG defende a xestión directa do servizo da auga, partindo da consideración da mesma como un patrimonio do conxunto da sociedade e non como un ben comercial. Os servizos básicos de abastecemento e saneamento da auga son un dereito humano e polo tanto a súa provisión é unha responsabilidade da Administración pública.
No último Pleno ordinario do Concello de Foz celebrado a finais do mes de Xaneiro o BNG votaba en contra da moción do partido socialista na que se solicitaba a creación dunha mesa da auga para explorar unha posible remunicipalización da xestión deste servizo.
“Foi necesario que votásemos en contra desta moción, respaldándonos na coherencia que sempre nos caracterizou”, afirman as portavoces. “Votamos en contra do oportunismo e das contradicións dun partido socialista que parece que esqueceu que parte da responsabilidade de que os veciños e veciñas de Foz se encontren nunha situación de débeda millonaria con Gestagua é culpa deles, un PSOE que pretende lavar a cara presentando unha moción que en ningún caso solicita a municipalización do servizo, senón a creación dunha comisión onde se poida abordar o tema, unha mesa de debate sobre a auga”, engaden Seivane e Rego.
O BNG afirma que a xestión pública da auga non responde exclusivamente a consideracións de natureza ideolóxica, senón que ten unha importante xustificación técnica. Neste sentido, debemos ter en conta o informe do Tribunal de Contas, que conclúe que nos concellos de menos de 20.000 habitantes a xestión directa de servizos básicos como o abastecemento de auga, a limpeza viaria ou a recollida de lixo ten un custe menor que a xestión indirecta.
Seivane e Rego recordan que “o Concello de Foz ten externalizado o servizo de abastecemento de augas desde hai preto de 25 anos, o que nos permite facer unha valoración sobre as consecuencias que esta decisión tivo para os nosos veciños e veciñas.”
“Así, no próximo Pleno defenderemos unha moción clara que solicita que o Concello de Foz proceda á municipalización do servizo de abastecemento e depuración de augas e que consecuentemente se inicien os trámites e procedementos necesarios para establecer a xestión directa do servizo de abastecemento e depuración de augas. Farémolo porque cremos firmemente que esta non é unha cuestión meramente técnica, senón de clara vontade política”, explican as concelleiras nacionalistas.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.