A Mariña, 14 de febreiro de 2017. A deputada Olalla Rodil e o deputado Mini Rivas reuníronse na xornada de hoxe con produtoras e produtores da Mariña nun encontro que tivo lugar no restaurante A Voltiña, en Mondoñedo, ao que tamén asistiron a responsábel comarcal, Ana Ermida e cargos institucionais e orgánicos do BNG.
Alí puideron constatar o malestar xerado pola falta de información que está a haber por parte da Xunta con respecto á praga da pataca e valoraron a última resolución publicada no DOG de hoxe como “un intento máis de gañar tempo sen tomar ningunha decisión transcente nin aclarar nada a respecto de como xestionar esta situación”.
A deputada nacionalista afirmou que “é terribel que a Xunta se desentenda ata o punto de impoñer obrigas a almacenistas, produtores e concellos mentras o goberno galego está agardando ao que lle diga o Ministerio desde Madrid.” “Non podemos obviar que as competencias en materia de agricultura son exclusivas da Xunta e deles é a responsabilidade de xestionar e adoptar as medidas pertinentes nesta nova crise do agro galego.”
Na resolución publicada hoxe, a Xunta deriva aos concellos a responsabilidade de controlar a circulación da pataca nos seus mercados locais. “Parece case surrealista que a Xunta non tome ningunha medida por si mesma e pretenda trasladar responsabilidades aos concellos, cando contan con moitos menos medios ca administración galega”, afirman desde o BNG.
“A Madrid non chegou a couza, por iso no Ministerio non teñen ningunha présa por resolver isto, igual que non a teñen para resolver a crise do leite ou calquera outra cuestión que non lles afecte directamente”, manifestou Mini.
Iniciativas no Parlamento galego
Olalla Rodil e Mini Cruz xa teñen rexistradas no Parlamento varias preguntas dirixidas á Xunta sobre as medidas que prevé adoptar e se o goberno galego baralla indemnizar as perdas que teñan produtores que xa teñen comprada a semente, ou mesmo plantadas as patacas de cedo, e almacenistas que xa dispoñen da semente para a venda.
Desde a formación nacionalista manifestaron que “a situación require de medidas claras, previa información e contraste coas persoas afectadas, por iso desde o BNG demandaremos unha actuación urxente e integral da Xunta que garanta efectividade na loita contra a praga, mais tamén seguridade para produtoras e produtores que se atopan unha vez máis con desatención e ameazas de sancións sen ter ningunha información previa.”
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.