Lugo, 17 de febreiro de 2017.- O Grupo Provincial do Partido Popular rexistrou esta mañá a convocatoria dun Pleno de carácter extraordinario para a aprobación da modificación do regulamento orgánico da Deputación de Lugo. Elena Candia destaca a importancia de aprobar un novo regulamento orgánico que permita garantir o funcionamento da institución e, deste xeito, “conseguir a través do reforzo das competencias do Pleno unha xestión pública, responsable, eficaz e transparente que mitigue a existencia dun Goberno provincial en minoría e que ten manifestado en múltiples ocasións a súa incapacidade para xestionar a institución”.
A voceira explicou que o seu Grupo solicitou hoxe a convocatoria dun pleno extraordinario cunha proposta única que é a modificación do regulamento orgánico de funcionamento. Así, indicou que no acordo de orzamentos do ano pasado “deramos un prazo de que rematase o ano 2016 para acometer esta modificación que, entendemos que ademais de dar maior participación a todas as forzas políticas no órgano supremo da institución, nos permite unha maior fiscalización e refórzanse as competencias que a lexislación outorga ao Pleno e tamén protexe os dereitos da oposición dunha maneira máis garantista”.
“Deuse un tempo máis que prudencial para que o Goberno o fixese ou puxera propostas enriba da mesa, podedes comprobar como a nosa aptitude neses temas sempre é a de intentar ser flexibles co presidente e deixarlle todo o tempo que necesite, incluso un pouco máis, como é o caso, que rematou o ano 2016, van case 2 meses do 2017, e agora cremos que é o momento de: se non o fan, dárllelo feito”, expuxo.
Motivación
A voceira do PP explicou que desde o seu Grupo consideran que o actual Regulamento foi quedando en parte obsoleto pola concorrencia de cambios normativos e sociais, “motivo polo que entendemos que é necesaria e urxente a súa modificación”.
Entre as razóns que xustifican os cambios está a adaptación ás modificacións da lexislación de procedemento administrativo, en especial sobre a entrada en vigor da Lei de transparencia ou dos textos que regulan a administración electrónica.
Tamén a conveniencia de clarificar certos aspectos organizativos, postos de manifesto nos últimos tempos, tales como o réxime dos deputados non adscritos, o réxime aplicable ás declaracións de bens e actividades, a transcendencia da implantación da administración electrónica no estatuto dos membros da corporación (especialmente no réxime de acceso á documentación), ou reforzar o control do Pleno sobre o exercicio das súas competencias orixinais que foron obxecto de delegación, co gallo de garantir que o alcance da delegación se corresponde coa vontade plenaria delegante en cada momento.
Consello de administración de Suplusa
A voceira precisou que esta é a primeira medida, pero avanzou que tamén se vai rexistrar a solicitude dun Consello de Administración de Suplusa para solicitar a inscrición desta entidade no rexistro de entidades prestadoras de servizos sociais para facer a proposta de aprobación de orzamentos da propia entidade e, en definitiva, toda vez que seguimos sen ter moitas noticias do Goberno. “Seguimos suplindo a súa inactividade e facéndoo de xeito construtivo e pensando sempre no ben da nosa provincia. Traballando que é para o que nos elixiron os veciños e veciñas da provincia”, remarcou.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
