Ribadeo, 15 de marzo de 2017. O Concello de Ribadeo e asociación Os Abelleiros fai un chamamento á poboación para asistir a unha xornada participativa co obxecto de Salvar a Abella e a biodiversidade.
Segundo explican desde o Concello “o fin desta xornada, é intentar minimizar o impacto da avespa velutina en Ribadeo e as súas parroquias, para elo se construirán e colocarán trampas co fin de atrapar ás reinas fundadoras, que son as que escollen os lugares onde fundar novos niños cada primavera”.
A participación está aberta a todas as persoas que desexen colaborar coa loita contra a avespa velutina (familias, nen@s, asociacións etc…). Canta máis xente asista mellor “porque iso fará posible chegar a unha maior cantidade de puntos e con el capturar un maior número de reinas”.
Esta cita terá lugar na Casa da Ría o vindeiro sábado, 18 de marzo, ás 15:30 horas. Será a organización a que levará material de refugallo, botellas e outros obxectos para a construción de trampas.
Durante a xornada amosárase como construír trampas e líquido atraínte caseiro para despois colocalas en puntos estratéxicos como os lugares onde se atoparon niños na temporada pasada, e onde hai abellas como son regatos, núcleos de poboación, colmeas, etc…
A organización quere salientar que “quizais o máis importante desta xornada é o momento posterior, isto é o seguimento e control da trampa (encher con liquido atraínte e retirada de avespas velutinas durante a campaña). E para isto facemos un chamamento a que a xente apadriñe unha trampa e que cada quén se faga responsable do seu seguimento. Unha vez que remate a campaña sortearase entre os colaboradores do apadriñamento un agasallo”.
Ademais desta xornada comunitaria e dentro do plan contra a loita da avespa velutina establecerase un protocolo de seguimento dos niños colocados así como un protocolo de actuación ante o caso de que calquera/a veciño/a atope un niño de avespa velutina chame inmediatamente a un dos seguintes teléfonos: Protección Civil 659 94 21 59; concelleiro de Medio Rural, Vicente Castro 629 29 09 13; Marcos da asociación Os Abelleiros 626 61 51 13 ou mesmo ao 112.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
