Cervo, 10 de marzo de 2017.- A XXVI edición da Festa do Ourizo terá lugar o vindeiro sábado 18 de marzo, en San Ciprián.
O alcalde de Cervo, Alfonso Villares e a edil delegada de Turismo, Manuela Méndez, presentaron hoxe “un programa repleto de actos e actividades que xirarán ao redor do protagonista ese día, o erizo”.
Deste xeito, avanzaron, que “un ano máis organizamos un show cooking, que terá lugar na carpa instalada na Praza dos Campos, a partir das 12:00 horas do mediodía, no que gozaremos vendo as habilidades culinarias en vivo de 3 prestixiosos chefs da gastronomía galega que cociñarán en vivo ante os asistentes innovadoras receitas elaboradas coa base do ourizo: Rafa Centeno, do Restaurante Maruja Limón, Iñaki Bretal do Restaurante Eirado da Leña e Diego López, do Restaurante Molinera. Ademais contaremos co recoñecido somelier Nacho Costoya, para moderar e dinamizar o evento”.
En concreto, a xornada festiva comezará ás 12:00 horas coa inauguración das XVII Xornadas Técnicas sobre o Ourizo. Xa ás 12:15 dará comezo o Show Cooking a cargo dos chefs anteriormente reseñados.
Ás 13:30 horas terá lugar a clausura destas Xornadas Técnicas, cando os asistentes poderán probar o resultado desta cociña de vangarda centrada neste marisco, e dará comezo xa a XVI edición do Concurso Gastronómico do Ourizo, tamén na carpa instalada na Praza dos Campos.
Un concurso aberto, como vén sendo habitual, aos locais da hostalería de San Ciprián participantes na festa, que nesta ocasión son: Pizzería O Trasgo, Cervecería Nordesía, Telvi’s Place, A Cerve, Bocatería O Faro, Bar Maruxaina, Cervecería Las Titas, Restaurante Boavista, Restaurante O Noso Lar e Mesón A Bogega.
Os locais participantes poderán presentar ata dúas especialidades que serán catadas polos membros do xurado, que serán os encargados de determinar cales son as tapas vencedoras.
As 14:30 horas será xa a entrega de premios e distincións do concurso. Os autores das tres mellores tapas, recibirán unha figura de Sargadelos, e un premio en metálico.
Recordaron que “durante todo o día os asistentes poderán degustar as tapas nos diferentes establecementos participantes, e tamén na carpa, onde se servirá ourizo cocido, ademais, non faltará animación –engadiu- porque a festa estará amenizada todo o día a cargo da Charanga Aturuxo, Os Charangos, Rebolaxe, Perkusiona e Airiños do Xunco”
Como peche da xornada festiva ás 23:00 horas dará comezo o gran concerto, “que programamos por segundo ano consecutivo e no que contaremos, nesta ocasión coa actuación do grupo folk Ardentía, na Praza dos Campos “unha das mellores formacións no eido da música tradicional de Galicia, que estamos convencidos de que maridará á perfección nesta Festa do Ourizo, na que cultura, tradición e gastronomía camiñan da man”.
Villares aproveitou a ocasión para convidar a todo o mundo a asistir nesa xornada a San Ciprián, para participar nesta festa declarada de Interese Turístico Galego, que naceu do pobo e pervive no tempo grazas ao esforzo conxunto; unha Festa que forma parte xa do patrimonio cultural de Cervo e da súa historia, e que, polo tanto, dende o Concello consideramos primordial poñer en valor, e render homenaxe a un marisco tan ligado a nós que co tempo, grazas en boa parte a esta celebración con máis dun cuatro de século de vida, está a acadar o recoñecemento que merece” .
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
