Mondoñedo 5 de abril de 2017.- A alcaldesa de Mondoñedo, Elena Candia, ve na Condecoración da Orde Civil de Alfonso X El Sabio, outorgada ao IES Plurilingüe San Rosendo, un merecido recoñecemento á institución pola súa “enorme contribución dende fai máis de 60 anos no eido educativo”, así como unha oportunidade para “potenciar a imaxe de Mondoñedo”.
A rexedora fixo estas declaracións tras asistir esta tarde ao acto de imposición das Condecoracións da Orde Civil de Alfonso X El Sabio, celebrado ás 19:00 horas na sala da Cámara do Auditorio Nacional de Música. Candia amosouse “moi orgullosa” por poder asistir, en representación do Concello e de toda a veciñanza, “ a un acto que destaca a nivel tanto nacional como internacional o potencial educativo da nosa cidade e premia, polo tanto, o importante traballo desenvolvido dende décadas polo persoal que pasou polo centro”.
“É unha honra e unha alegría para min estar hoxe nesta gala”, reitera Candia, quen reafirmou tamén o agradecemento ao Ministerio de Educación, Cultura e Deporte por concederlle ao IES San Rosendo o ingreso na Orden Civil de Alfonso X El Sabio, coa categoría de Placa de Honor. A alcaldesa lembra que “estamos ante uns premios cos que se distinguen a entidades polos méritos contraídos, entre outros eidos, no da Educación, prestando servizos destacados tanto en España como no ámbito internacional”.
Un día importante para Mondoñedo
A popular considera que “estamos nun día moi importante tanto para o centro educativo como para a cidade. O IES San Rosendo ofrece un enorme servizo a toda a provincia a través da formación de xeracións de alumnos e máis á cidade de Mondoñedo ao converterse nun dinamizador da actividade municipal”.
“Esta xornada e con ela este recoñecemento son o froito de anos de traballo moi coidado desenvolvido pola comunidade educativa”, asegurou a rexedora, quen quixo felicitar, de novo, “a todo o cadro educativo tanto o actual como o que ao longo dos anos dende 1954 formou parte da historia deste centro e que cos seus coñecementos e a súa dedicación converteron o instituto de Mondoñedo nun referente no seu ámbito”.
Por último, a alcaldesa de Mondoñedo tamén puxo en valor a “importancia” que esta condecoración ten para a cidade mariñá xa que “é un novo acto que pon a Mondoñedo no mapa e que potenciará a imaxe da nosa localidade, ademais de situala como un referente educativo”. “Dende o Concello continuaremos a traballar na ampliación da oferta educativa para o que sempre trasladamos o noso apoio e a nosa colaboración”, concluíu.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
