“Antes de que poidamos perdoarnos os uns ós outros teremos que entendernos.”
Emma Goldman
Que a cita que encabeza o presente artigo sexa unha síntese, o perfecto corolario do sentido que se lle quere dar á presente opinión.
Unha das apelacións e arengas máis habitual na retórica política ten que ver co “pobo” e coa “vontade popular” aínda que a evidencia práctica está a demostrarnos nestes días que esta é absolutamente dispar e heteroxénea.
Un exemplo: o recente debate a propósito da donación da fundación de Amancio Ortega de 320 millóns de euros adicados á adquisición de equipos oncolóxicos. Discuten aqueles que entenden tal acción coma un alarde de filantropía e quen alude á dobre moral do que fai uso da enxeñería fiscal para axustar as súas obrigas.
O obxecto da discusión, personalizado na figura do empresario coruñés, resúmese en que é unha cuestión moi complexa e que, por tanto, un débese manifestar a favor ou en contra. Avívanse sesudas e encarnizadas tertulias onde a conclusión final e vilán ou heroe.
Lonxe do tradicional debate existe un teórico, de ideas, que transcende o antedito; trátase de determinar se os axentes que interveñen na economía deben facelo con máis liberdade, xermolando o caldo de cultivo do emprendemento e da organización espontánea da economía, e, por outra banda, se existe un problema na actualidade con respecto á concentración de riqueza, non sendo esta lexítima en moitos casos e pechando o acceso ó consumo a moitos cidadáns.
Se elevamos un pouco a discusión, opoñendo ideas e fuxindo dos personalismos, penso que a porcentaxe de liberdade real na economía e na política é mínima e que, existindo unha problemática obxectiva en relación á concentración da riqueza, esta non só non é solventada polo estado, senón que as institucións públicas son instrumentos coactivos das clases dominantes.
Se damos por válido algún destes pensamentos será fácil determinar que as donacións de Ortega non son causa, senón, tan só, consecuencia e haberá que retomar a discusión a propósito das ideas e dos modelos. A condena ó entendemento.
Algo semellante está a pasar coa actualidade xurídica: aínda sen novas das reclamacións bancarias feitas polos prestatarios afectados polas cláusulas de chan, algúns comezan a impacientarse.
Trasladouse á opinión pública que os Bancos estaban na obriga de devolver as cantidades indebidamente cobradas das hipotecas e que, para iso, se articulaba un Real Decreto. Pecamos novamente de inxenuidade, pensamos os “poderes públicos” ían facer de garante. Novamente apagamos o lume con gasolina.
Agora, mediante auto de 4 de abril do Tribunal Supremo, a máis alta instancia xudicial dinos que non será de aplicación a doutrina que obriga á devolución íntegra para as sentenzas ditadas antes do pronunciamento en decembro do Tribunal de Xustiza da UE. Dita decisión non debera pillar por sorpresa a ninguén, consecuencias da lei e da cousa xulgada. Haberá que seguir pensando ó respecto porque, antes de que poidamos perdoarnos teremos primeiro que entendernos.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
