A Mariña 6-4-17. Un total de 55 persoas pertencentes ás asociación de FEAFES GALICIA , veñen de participar nunha viaxe de tres días a Asturias, onde puideron visitar Xixón , Oviedo, Villaviciosa entre outras localidades da zona.
Os compañeiros que viaxaron cos usuarios da Asociación de Axuda ó Enfermo Mental A Mariña foron os das Asociacións Morea, Doa , APEM, AFAES Porta Nova, Alume, Alba, Avelaíña, Morea, Albores, Lenda e Andaina.
A viaxe comezou o pasado 4 de Abril, día no que puxeron rumbo a Ribadesella, unha pobodación típica asturiana a beiras do Río Sella. A continuación visistaron Villaviciosa, coñecida como a capital da mazá.
Xa ao día seguinte tocou visitar El Entrego, onde se puido ver o Museo da Minería que está situado nunha antiga explotación mineira e onde se lles ofreceu a posibilidade de descubrir a técnica e orixes dunha das principais industrias da comunidade asturiana.
Xa pola tarde tiveron visita guiada por Oviedo , onde tiveron a oportunidade de coñecer o Palacio de Congresos, o Campo de San Francisco, o Teatro Campoamor, sen esquecer o centro histórico, exteriores da Catedral, a praza Trascorrales, a praza do Concello, o Mercado, entre outros…
E hoxe, día de regreso tocou a visita de Xixón e Avilés. Dende logo unha viaxe moi concentrada pero moi completa , onde recargar pilas e aproveitar a coñecer compañeiros doutros lugares da nosa xeografía.
Con esta viaxe contribuimos a cumplir a nosa misión e a mellorar a calidade de vida das persoas diagnosticadas de enfermidade mental.
Este venres celébrase o día Mundial da Saúde, sendo este ano adicado á depresión .
O Día Mundial da Saúde, que se celebra cada 7 de abril para conmemorar o aniversario da Organización Mundial da Saúde, ofrece unha oportunidade única para mobilizar a acción ao redor dun tema de saúde específico que preocupe ás persoas de todo o mundo. Por iso, este 2017, a OMS decidiu centrar a súa campaña do Día Mundial da Saúde na depresión.
A depresión afecta a persoas de todas as idades e condicións sociais e de todos os países. Aínda que actualmente está moi banalizada, a depresión provoca angustia mental e afecta á capacidade das persoas para levar a cabo mesmo as tarefas cotiás máis simples, o que ten en ocasións efectos nefastos sobre as relacións coa familia e os amigos e sobre a capacidade de gañarse a vida.
De feito, a depresión é un importante factor de risco relacionado co suicidio, pois actualmente trátase da segunda causa de morte entre as persoas de 15 a 29 anos de idade no mundo, segundo a OMS. Concretamente, a depresión maior supón un risco de suicidio 20 veces superior ao da poboación xeral, e en Europa representa máis do 7% da mortalidade prematura.
Cómpre sinalar que, contrariamente ao que pensa moita xente, a depresión non é o mesmo que “estar tristes”, unha idea que lle resta importancia a unha enfermidade altamente incapacitante. Trátase dunha confusión habitual porque aínda hai moito descoñecemento e falsos mitos cara a depresión, ademais dun gran estigma que provoca que en moitas ocasións non se fale con naturalidade desta afectación.
Recentemente, a OMS deu a coñecer que a depresión é a principal causa de problemas de saúde e discapacidade en todo o mundo. Segundo as últimas estimacións realizadas pola organización, máis de 300 millóns de persoas viven con depresión, un incremento de máis do 18% entre 2005 e 2015. En España, 2.408.700 españois sufriron depresión en 2015, unha enfermidade cuxa prevalencia representa o 5,2 % da poboación no noso país.
Segundo a directora xeral da OMS, a doutora Margaret Chan, “estas novas cifras son un chamado de atención a todos os países para que reconsideren os seus enfoques sobre a saúde mental e a traten coa urxencia que merece”.
A falta de apoio ás persoas con problemas de saúde mental, xunto co medo ao estigma, impiden que moitos accedan ao tratamento que necesitan para vivir vidas saudables e produtivas. FEAFES Galicia e como membro, A ASOCIACIÓN DE AXUDA Ó ENFERMO MENTAL A MARIÑA únense ás consideracións do Día Mundial da Saúde e fan un chamamento para que a saúde mental sexa tida en conta nas políticas sociais e sanitarias na medida que merece.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
