A Mariña, 25 de abril de 2017. O plan Avanza, o cambio do estatutos para admitir a Viveiro na Mancomunidade ou a creación dunha oficina turística virtual no Cenima de Foz foron algúns dos asuntos abordados nas últimas horas no pleno ordinario deste ente celebrado en Lourenzá. O presidente da Mancomunidade, Alfredo Llano, convocará a unha xuntanza aos alcaldes dos Concellos comprendidos entre Ribadeo e Ferrol para falar da situación pola que atravesa o tren ao seu paso por esta zona.
Llano contou que “no pleno tomou posesión unha vocal representante do Concello de Cervo, Manuela Méndez Álvarez, que substitúe a José Manuel Balseiro neste posto. Outro tema abordado foi a adxudicación do contrato do servizo de formación específica para o programa integrado de emprego, que é unha empresa que contratamos para que imparta a docencia do programa Avanza, no cal estamos seis concellos traballando perfectamente. Entonces a partir de agora, unha vez que está aprobado, trataremos de que o antes posible se poña a traballar esta empresa para ir rematando o que está programado para que esta xente teña inserción laboral ao final do curso. Xa saben todos que polo menos 21 persoas van estar empregadas durante tres meses como mínimo en diferentes empresas dos concellos da Mancomunidade”.
A integración de Viveiro na Mancomunidade foi outro dos asuntos que se analizaron no pleno, celebrado onte en Lourenzá: “tamén se tratou o expediente de modificación dos estatutos para integrar ao Concello de Viveiro na Mancomunidade e agora soamente falta que sexa publicado no DOG. Despois diso faremos un pleno extraordinario para asumir ao Concello de Viveiro como integrante en todos os aspectos da Mancomunidade. Calculamos que a finais desta semana ou a principios da que vén saia publicado xa o cambio estatutario para poder incorporar a Viveiro na Mancomunidade, algo que realmente xa nos tarda a todos”.
A creación dunha oficina virtual do turismo no Cenima, en Foz, tamén se debateu na xornada de onte. Alfredo Llano explicou que “estivemos falando tamén doutro asunto que nos parece importante, como é crear no edificio do Cenima, de Foz, unha oficina virtual do turismo da Mariña. Estamos todos de acordo en que isto vaia para diante coa axuda da Axencia Galega de Turismo e doutras entidades como a Deputación para ter alí unha exposición e unha guía con información permanente de todo o que respecta aos 16 concellos que conformamos A Mariña para ofrecer unha información interactiva. Queremos que sexa unha referencia estable situada no baixo do edificio do Cenima, que abarca uns 200 metros cadrados e é unha superficie suficiente para poder ocupala con contidos que poñan en valor e indiquen claramente como se pode mover a xente nos concellos da Mancomunidade. Todo o mundo está de acordo e por tanto vanse dar os pasos que fagan falta para que o antes posible poidamos ter asentada no edificio do Cenima, en Foz, por iniciativa deste Concello, unha referencia turística clara de interese para toda a comarca. É unha boa noticia para os concellos que conformamos a Mancomunidade”.
Sobre a situación pola que está a atravesar o ferrocarril na Mariña o presidente da Mancomunidade sinalou: “estase esquecendo o carácter social e vertebrador deste servizo público, que nosoutros queremos non só manter senón tamén potenciar, porque consideramos todos que é un servizo que hai que ter na Mariña porque ten que axudar ao desenvolvemento integral, turístico e social do transporte na Mancomunidade. Estivemos analizando isto e todo o mundo está de acordo en que queremos o servizo e entón o seguinte paso que imos dar é convocar unha reunión á que vamos invitar a todos os alcaldes da Mancomunidade da Mariña e aos da provincia da Coruña que tamén está afectados; ou sexa, queremos facer unha reunión conxunta dos alcaldes dos concellos de Ferrol a Ribadeo para estudar o tema e ver como podemos facer para que isto non vaia a menos senón que vaia a máis. É o que temos que trasladar”.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
