Mondoñedo, 11 de abril de 2017. Os socialistas de Mondoñedo critican “o despilfarro de recursos públicos que gasta o Concello de Mondoñedo en anunciar as rutas sendeirismo da cidade cando as ten completamente desatendidas en plena Semana Santa”.
A voceira socialista advirte que o Concello acaba de presentar unha APP para móbil coas rutas da cidade, con investimentos públicos, na que só aparecen 2 rutas das 3 que ten sinalizadas o Concello.
A maiores advirte que a paxina web que promociona as rutas non ten ningún acceso directo para descargar a APP que promociona as rutas. “ Nestes orzamentos o Concello ten previsto gastar 23.OOO euros en propaganda, pero é incapaz de xestionar e promocionar os recursos turísticos naturais con eficiencia, como neste caso as rutas de sendeirismo”.
Segundo o propio catalogo do Concello de Mondoñedo, a cidade conta cun total de 8 rutas. Ten 3 rutas a pé sinalizadas, das que só aparecen 2 na APP; Ruta da auga, Fraga Vella ou dos Acivros, e a ruta Leiras Pulpeiro. “Puidemos comprobar como a Ruta da auga que comeza a 30 pasos da Praza da Catedral de Mondoñedo, xunto a subida ao Salto do Coro están completamente abandonadas, desatendidas e sen ningunha labor de conservación e mantemento”.
Rutas para bicicletas e coches
A cidade tamén conta con outras rutas para BTT para bicicletas de Montaña como a da Toxiza, Cristo do Fiouco-Argomoso ou mesmo a a propia ruta da auga. “De todas estes recursos naturais non aparece absolutamente nada na recente APP , só aparecen as rutas de sendeirismo sen contar con estes recursos turísticos”.
A maiores o Concello publicista outra serie de rutas para realizar percorridos con coche; a do Salto do Coro-Vilar, Fraga Vella, O Padornelo-Campo de Oso, A fervenza, Mosteiro dos Picos-Castro do Zoñán, pero tampouco aparecen nesta APP.
“Xa que investimos diñeiro público en este tipo de aplicacións, polo menos que aparezan todas as posibilidades e rutas que ten o Concello, non só as de sendeirismo”, replicou González.
A voceira socialista advirte que Candia prefire gastar os gastos dos mindonienses en tunas, colchonetas, orquestras, fogos de artificio e viaxes turísticos de autopromoción, en calendarios, mentres ten abandonadas e esquecidas, un dos nosos recursos turísticos, as rutas de sendeirismo da cidade”.
“Polo tanto o Concello gasta en trípticos, gasta en propaganda pero non inviste en manter as rutas de sendeirismo en boas condicións para atraer aos visitantes, iso si, despois de gastar investimentos públicos nunha APP e unha tríptico promocional da mesma, dobre despilafarro. Pero o é que mais grave sen ofertar todas as rutas de Mondoñedo”.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
