Foz, 20 de maio de 2017. Hoxe, sábado, tivo lugar na Sala Bahía, de Foz, o Congreso Rexional de Viúvas, ao que asistiron case 250 persoas.
As actividades comezaron cunha misa á que seguiu a asemblea na que participaron a secretaria Xeral de Igualdade, Susana López Abella; o alcalde de Foz, Javier Jorge Castiñeira; o delegado da Xunta de Galicia en Lugo, José Manuel Balseiro; a deputada provincial de Facenda e Economía e alcaldesa de Trabada, Mayra García; o secretario da Subdelegación do Goberno en Lugo, Roberto Raposo; a presidenta da Asociación de Viúvas de Lugo e da Federación Galega de Viúvas, Aurora Carro Páramo; e o investigador e divulgador cultural Xosé Ramón Ermida Meilán, quen exerceu de conferenciante e realizou un achegamento á historia de Foz. Tamén asistiron a alcaldesa de Mondoñedo, Elena Candia, e a concelleira da Muller en Foz, Mercedes González.
Tanto os representantes das administracións como a presidenta da Federación de Asociacións de Viúvas de Galicia fixeron fincapé na importancia da labor asociativa e da fortaleza da muller. Tamén se puxeron enriba da mesa reivindicacións de asuntos como as pensións.
As asociacións participantes foron: Asociación María Magdalena, de As Pontes; Asociación María Andrea, de Ourense; Asociación Concepción Arenal, de Ferrol; Asociación Prieto Rouco, de Vilalba; Asociación Mercedes de la Escalera, de Baiona; Asociación Julia Minguillón, de Lugo; Asociación Rosalía De Castro, de Santiago; Asociación de Viúvas Santa María do Campo, de Ribadeo; e Asociación De Viúvas Pilar Otero, de Foz.
Ao remate deste acto celebrouse unha comida amenizada con música.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
