Lugo, 3 de maio de 2017.A Deputada de Promoción Económica e Social, Sonsoles López Izquierdo, a Concelleira de Economía e Emprego do Concello de Lugo, Ana Prieto, e a Presidente da Asociación de Mulleres Empresarias, Beatriz Varela, acompañadas de membros dos colectivos Down Lugo e Raiolas, presentaron a I Festa de Nenos e Nenas Emprendedores.
Trátase dunha iniciativa na que participarán 60 nenos de entre 6-12 anos. Terá lugar o vindeiro venres, 5 de maio, dende ás 17:00 e ata as 21:00 horas. Haberá unha carpa onde os cativos porán á venda diferentes produtos e pezas elaborados ou preparados por eles mesmos, por exemplo, doces ou pulseiras, cuxos fondos recadados serán destinados aos colectivos de Raiolas, Down Lugo, Protectora de animais e Parálise Cerebral.
Deputación, Concello de Lugo e Mulleres Empresarias promoven esta iniciativa para fomentar entre os máis novos valores como o espírito emprendedor, traballo en equipo, talento, creatividade ou a solidariedade.
Sonsoles López Izquierdo, convidou a todos os lucenses a participar neste encontro, e sinalou que “conta cun marcado carácter altruísta, social e de reinversión na sociedade en beneficio de todos”. Avanzou ademais que debido as previsións meteorolóxicas a Festa vaise trasladar aos pasillos do Pazo de San Marcos. A Deputada felicitou a todos os participantes, “xa que como se pode comprobar nestas 24 mini-empresas, cada día nos sorprenden coa súa creatividade”. Anunciou tamén que para rematar a xornada haberá unha actuación de maxia que correrá a cargo do Mago Antón, será ás 20:00 horas, no Salón de Actos da Deputación.
O Concello participa cun stand
A Concelleira de Economía, Ana Prieto, felicitou á Asociación de Mulleres Empresarias pola iniciativa, que a entidade local apoia porque “dinamiza a cidade a nivel social e económico, pero tamén polo seu carácter pedagóxico, que transcende o fomento do emprendedurismo empresarial”. “Xa que logo, emprender non é só montar unha empresa, é acometer un empeño, unha obra ou un proxecto social, en definitiva, tomar a iniciativa en calquera aspecto da vida. Polo tanto, fomentar o emprededurismo dende a nenez con iniciativas coma esta é fomentar o espírito emprendedor, a intelixencia emocional, a creatividade, a innovación e o traballo en equipo dos máis pequenos”, subliñou Prieto.
A edil explicou que a colaboración municipal consiste, por un lado, na cesión de aulas no Espazo Lab, no CEI Nodus, nas que os nenos e nenas elaboraron xa este pasado fin de semana os seus produtos, e, por outro, na colocación dun stand na feira deste venres na que os participantes farán produtos relacionados coa Unión Europea e verán as vantaxes de intercambiar bens con outros países.
Esta colaboración enmárcase na programación que o Concello organiza a través do centro de información europea Europe Direct-Lugo co gallo do Día de Europa, que se celebra o 9 de maio, e que incluirá diversas actividades infantís, ademais un concurso de fotografía, lectura dun manifesto, a interpretación do himno de Europa e o izado da bandeira.
A Presidente da Asociación de Mulleres Empresarias, Beatriz Varela, agradeceu o compromiso do Concello e a Deputación neste evento innovador. Sinalou que esta xornada comezou cun taller no CEI Nodus, “é como se pode comprobar tivo un éxito rotundo, xa que participarán 60 nenos con 24 mini-empresas”. E anunciou que lle gustaría que esta iniciativa fose impulsada como unha actividade extraescolar por toda a provincia.
24 mini -empresas participantes
Os asistentes atoparán as seguintes 24 mini-empresas:
1. 1000 e 1 GOMITAS: xoería.
2. SWEET MARTINA: doces.
3. EL JARDIN DE LA ILUSION: minicaptus pintados e bolsitas de flores secas.
4. DULCES DE ORO: galletas e roscón.
5. LAS CHOCO BROCHETAS: brochetas de froita con chocolate.
6. AS MIÑAS COUSIÑAS: bolos preñados de chourizo e mini chourizos.
7. MANUALIDADES.COM: manualidades
8. RECICLING: reciclaxe. ASOCIACIÓN RAIOLAS.
9. CESPIN CABEZA: muñecos de cabeza de céspede.
10. FOTOSPLASH: fotografía e tirada de bolos.
11. HELLO CUP: tazas pintadas
12. LA ROSQUITIENDA: rosquillas.
13. A y A ARTESANIA: artesanía.
14. CASETA DULCE”: galletas e chuches.
15. N Z: bisutería.
16. JUICE EXPRESS: zumos naturais ecolóxicos.
17. USA: portavasos, merendas, fundas e llaveros.
18. LOS MINIRODRIGUEZ: marca páxinas e segunda mano.
19. DELICIAS GALLEGAS: postres, filloas, orellas e rosquillas.
20. LUCKY NUT: noces pintadas.
21. LA IDEA: petos.
22. DOCES VENTURA: repostería.
23. A TENDIÑA DO CORGO: limonada, naranxada e bocatas.
24. AS CATRO MANS: varitas, garbanzos, medusas de plástico e espadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
