Burela, 20 de maio de 2017. O Concello rematou xa as obras pendentes da nova escola infantil, que abrirá as súas portas en setembro. Pendentes quedan algunhas cuestións por parte do Consorcio de Benestar. O alcalde, Alfredo Llano, agarda que todo estea listo o 31 de xullo.
O rexedor contou que “hai unha serie de obras da escola infantil que lle correspondía facer ao Concello. Foron consensuadas co Consorcio de Benestar de forma clara e concreta, pois en base ás responsabilidades que corresponden a cada institución organizámonos para que unha parte das obras as faga o Consorcio e a outra o Concello”.
Alfredo Llano subliñou que “o Concello xa ten rematadas completamente as obras que lle correspondían, pois a última que se fixo foi a canalización da electricidade para darlle fluído eléctrico á escola infantil. Tamén está xa instalada a alarma para que o centro teña seguridade e que non haxa problemas no futuro. Así xa pode vir todo o mobiliario que fai falta para dotar a escola infantil con todos os medios necesarios”.
O alcalde burelés engadiu que “agora faltan por rematar as obras que lle corresponde executar ao Consorcio e xa falamos cos seus responsables e esperamos que non tarden moito porque falta moi pouco para ter lista unha eliminación de barreiras arquitectónicas, colocando unha rampla para que poida baixar unha cadeira de rodas e se hai algún accidente que se poida acceder facilmente. Tamén hai que completar o peche de todo o recinto da escola infantil, que será unha parede que vai quedar bonita enfronte mesmo do centro. É unha obra que o Consorcio parece ser que a vai facer o antes posible”.
Alfredo Llano teno claro: “a instalación vaise abrir en setembro, xa se iniciou o prazo para apuntarse e vese que hai bastante demanda para cubrir todas as prazas da nova escola infantil e incluso haberá lista de espera”.
O rexedor manifestou: “queremos telo preparado para o 31 de xullo como máximo, con todas as dotacións e co persoal seleccionado, para que en setembro poida comezar a funcionar a nova escola infantil. Queremos que sexa así para que non haxa improvisacións pouco antes de comezar o curso”.
Suspensión do xantar oficial das festas
Por outra banda, o rexedor lembrou que “todos os anos nas festas desde hai bastante tempo había un xantar oficial, que era o domingo principal dos festexos. Invitábase a moitas autoridades, normalmente viña un buque de protección dos nosos barcos na costeira do bonito e polo tanto había unha xustificación pola cal se debía facer ese xantar oficial. Pero ultimamente, sobre todo o ano pasado, non había unha xustificación para facer ese xantar oficial e fomos poucos, porque antes estaba a tripulación do Chilreu e doutros barcos que convivían con nosoutros os días da festa e había máis participación de xente que viña de fóra relacionada co noso pobo e coa pesca. Pero como isto foi decrecendo xa non existe esa motivación e polo tanto este ano vamos prescindir desa comida oficial. Xa falei co patrón maior da confraría e estamos de acordo en non facer este ano ese xantar oficial porque non hai unha razón clara e xustificada para facelo. E, por outro lado, tamén é beneficioso para todas as persoas que viñan xantar porque así teñen a posibilidade de convivir ese día coa familia e participar na festa de Burela como uns veciños máis”.
Alfredo Llano remata sinalando que “isto non quere dicir que nun futuro non se teña que retomar ese xantar oficial, pero este ano non o haberá”.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
