Cervo 24-6-17. O Grupo Municipal de Teatro PimPim ofreceu o espectáculo que acolleu o Auditorio da Casa da Cultura de San Cibrao, que encheu o aforo para a ocasión.
Os nenos, logo de varios meses de ensaio, ofreceron ao público o seu particular “tu cara me suena” ao que lle deron por título e ti quen ves sendo?
Sobre o escenario puidemos ver a Chenoa, a Julio Iglesias, a Marisol, a Bruno Mars, a Justin Bieber, a Shakira, a Michael Jackson…e un sen fin de artista recoñecidos; e tampouco faltou o xurado deste famoso formato televisivo.
Os pequenos amosaron sobre o escenario o seu salero e o seu talento e ao final da actuación dende o Concello de Cervo, a edil de Cultura Dolores García Caraméns, a de Servizos Sociais, Pilar Armada, a de Medio Ambiente, Manuela Méndez, e o de Patrimonio, Alfredo Fernández, fixéronlles entrega dunha sudadera e unha camiseta personalizadas co logo de PimPim.
O alcalde de Cervo, Alfonso Villares, tampouco se quixo perder a actuación, e ao comezo do evento dirixiuse aos presentes recordando “os 5 anos de andadura do Grupo PimPim, do que forman parte 38 nenos e nenas; e dende o Concello cremos, e así nolo fixeron chegar tamén moitas das familias, que é unha experiencia enriquecedora e moi positiva para os pequenos, xa que desenvolven habilidades comunicativas que lles poden servir de axuda tamén para o seu futuro”.
Ademais, -engadiu o rexedor- ao tempo fomentan condicións como a espontaneidade, o compañerismo e as relacións persoais fundamentais en calquera etapa da vida, pero nesta na que están ben importantes”.
Villares quixo agradecer o traballo e a dedicación da edil de Cultura, Dolores García Caramés, “que se deixa a pel semana a semana cos nenos, cos que ten unha perfecta comunión; e tamén a colaboradoras como Lis e Claudia, pola súa axuda imprescindible”.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
