Ribadeo (Lugo), 24 de xuño de 2017.- O delegado territorial da Xunta en Lugo, José Manuel Balseiro, realizou hoxe parte da viaxe do tren da Ruta dos faros, incluída no programa de trens turísticos que promoven Turismo de Galicia, Renfe e o Inorde -organismo dependente da Deputación de Ourense-.
A ruta comeza en Ferrol e chega ata Ribadeo, onde se ofrecen visitas guiadas ao faro de Illa Pancha e á praia das Catedrais. Balseiro subliñou que se trata dunha experiencia turística de calidade “coa que redescubrir a costa dende outra perspectiva, xa que o percorrido en tren proporciona paisaxes e localizacións que por outros medios resultan inaccesibles”.
O delegado afirmou que o programa de trens turísticos, que se desenvolverá ao longo de todo o verán, “combina o entorno natural e urbano co patrimonio cultural e a gastronomía, nunha proposta atractiva que sirve ademais para fomentar o turismo sostible”.
Neste sentido, subliñou “o éxito espectacular desta iniciativa, que naceu no 2013 con dúas rutas e alcanza 11 na presente convocatoria”. E referiuse “moi especialmente ao éxito da Ruta dos faros, que “é das máis demandadas”, rexistrando o pasado ano un 100% de ocupación, case 12 puntos por riba da media do programa.
A Ruta dos faros ten previstas saídas todos os sábados do verán ata o 23 de setembro, sumando en total 16 percorridos. Comeza en Ferrol e hai buses gratuítos de achegamento á estación dende A Coruña.
O tren fai a primeira parada para visitar Cabo Ortegal, a serra da Capelada, o cantil Vixía Herbeira e Santo André de Teixido. Posteriormente, os viaxeiros trasládanse en autobús para visitar Estaca de Bares e O Barqueiro. Pola tarde realizan en tren o traxecto entre O Barqueiro e Ribadeo; logo de visitar en autobús Illa Pancha e As Catedrais, regresan en autobús o a Ferrol.
As persoas interesadas poden consultar os horarios e o programa completo na web de Turismo de Galicia, no seguinte enderezo:
http://www.turismo.gal/docs/mdaw/mjkz/~edisp/turga293219.pdf?langId=gl_ES
A provincia de Lugo conta con outras dúas ofertas: a Ruta Lugo Romano, que permite visitar o casco histórico de Lugo e o balneario; e a Ruta dos viños da Ribeira Sacra, na que hoxe precisamente participou tamén a directora de Turismo de Galicia, Nava Castro.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
