Era cuestión de tempo, unha agonía dilatada que culminou este mércores 7 de xuño.
O Banco Popular Español xa viña padecendo tempo atrás de moitas eivas que levaron á entidade a ter que improvisar para non afundir. Cando rebentaran as caixas de aforros a situación dalgún banco, daqueles que tiñan un importante activo de participación inmobiliaria, pasou a ser crítica.
Así, no pasado ano 2012, fusionáranse o galego Banco Pastor co Banco Popular co obxecto de ir achicando e manter a flote unha embarcación que xa amagaba co naufraxio.
Cumpríronse tódolos presaxios e o fundimento non tivo precedente: a venda do Banco Popular ao Santander. E non hai referencia previa porque se trata da primeira operación levada a cabo baixo as normas de resolución de entidades bancarias da UE.
O Banco Central Europeo, no exercicio da súa competencia de supervisión bancaria dentro da UE, tomou o control do Banco Popular. O primeiro banco intervido pola UE por risco de quebra.
Dos termos concretos da operación quedará na memoria colectiva o anecdótico prezo de 1 €, supeditado a unha posterior ampliación de capital no vindeiro mes de 7.000 millóns de euros. Polo medio as declaracións da alemana Elke König e do ministro Guindos avalando a operación e aludindo á protección dos depositarios do banco Popular.
E despois da tormenta, ¿onde quedamos todos?
No tocante aos depositantes, consumidores con conta ou aqueles que son beneficiarios dun préstamo estarían cubertos polo Fondo de Garantía de Depósitos. A súa situación non se vería alterada polo proceso.
Con respecto ás persoas que contrataran fondos de inversión ou dispuxeran de plans de pensións, a pesar de non estar cubertos, estarían fora do balance da entidade, polo que non se verían afectados.
E finalmente quedan os 300.000 accionistas, -entre eles a histórica Fundación Barrié de la Maza e os seus traballadores co futuro no aire- que perderán a totalidade da súa inversión por entender que esta foi amortizada.
O prognóstico, hai escasos días, a propósito dun colapso dos xulgados ao respecto das cantidades reclamadas polas cláusulas de chan das hipotecas, colle a máis escura das cores coa venda do Popular.
E para rematar non pode obviarse un feito que puidera servir de peche a todo o exposto: a intervención do Banco Popular fai saltar polos aires as receitas neoliberais aplicadas polos Bancos Centrais durante a crise. É unha evidencia práctica que as propostas do BCE e do Banco de España, no tocante á reestruturación e fusión de entidades, están redundando no debilitamento do sistema financeiro e en detrimento dos consumidores.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
