Manuel Jesús Blázquez Pacheco (Salamanca, 1992) formará parte da estrutura do Pescados Rubén Burela FS. O ala zurdo adquiriu o compromiso para defender a elástica laranxa para 2017-18, logo de lograr o ascenso a Primeira División con Naturpellet Segovia esta tempada. Esta non será a primeira experiencia do salmantino, de 25 anos, no fútbol sala galego. Formado nas filas do Don Ulpiano Albense desde 2007, vestiu a camiseta do Santiago Futsal entre 2013 e xaneiro de 2015, cando se trasladou ao conxunto segoviano. Chus, un xogador moi sacrificado e comprometido, será presentado oficialmente nas próximas semanas.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
