8 de xuño de 2017. 
O Presidente da Deputación de Lugo, Darío Campos Conde, participou hoxe na Xornadas de Accesibilidade Universal que organiza AUXILIA Lugo, PREDIF Galicia e Lugo Monumental na Praza da Soidade e que pretenden sensibilizar a toda a sociedade das barreiras que ainda existen nas nosas rúas.
Campos Conde púxose na pel dunha persoa con mobilidade reducida e, nunha cadeira de rodas, puido comprobar as dificultades que hai na rúa para que se poidan desprazar de xeito autónomo. O obxectivo destas xornadas é permitir que calquera persoa poida vivir esta experiencia e saber valorar que non todo o mundo ten as mesmas facilidades para desprazarse pola rúa.
As xornadas tamén son un punto de encontro para os representantes dos diferentes colectivos de persoas con discapacidade da cidade de Lugo, onde poden debater e compartir diferentes ideas sobre as necesidades de accesibilidade que detectan.
A Deputación co fomento da autonomía persoal
O Goberno da Deputación quere seguir participando e apoiando aqueles proxectos que teñen como obxectivo o fomento da autonomía persoal. Actualmente xa colabora con AUXILIA Lugo ou con AUXILIA Monforte de Lemos, con 5.000 euros para cada un deles.
Así mesmo, a Rede Museística Provincial de Lugo é un exemplo pola súa implicación e colaboración cos diferentes colectivos de persoas con diversidade funcional. De feito, o Museo do Mar en San Cibrao, que forma parte da rede, é o museo máis accesible de Galicia, xa que está adaptado ás diferentes necesidades das persoas con algún tipo de discapacidade.
Entre os proxectos máis destacados da Rede Museística está a mostra Fotografía: A CEGAS, un proxecto con persoas invidentes que, coa axuda de profesionais, artistas e persoal dos catro museos da provincia, aprenderon a realizar fotografías cun gran valor artístico.
A Rede Museística Provincial de Lugo xa foi premiada co Premio Solidaridad da ONCE (Organización Nacional de Ciegos Españoles) polo seu traballo e implicación con este colectivo.
Outras iniciativas da Rede Museística son Eu en ti e ti en min en colaboración coa asociación de persoas con autismo Raiolas, o Álbum de memoria compartida, dirixido a persoas que padecen alzheimer, ou Artability con COGAMI (Confederación Galega de Persoas con Discapacidade). Moitas destas iniciativas están sendo imitadas tanto noutros puntos de España coma fóra do noso país.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
