Lugo, 29 de xuño de 2017. O Presidente da Deputación, Darío Campos Conde, e Alcaldesa de Viveiro, María Loureiro García, visitaron este xoves os 90 postos do Mercado Renacentista, que se celebra na Praza Maior e nas rúas do casco histórico de Viveiro desde hoxe ata o próximo domingo. Campos Conde remarcou a aposta do Goberno da Deputación por esta cita, xa que “o organismo provincial é a única administración que, xunto co Concello, promociona desde a súa primeira edición o Mercado Renacentista. Por iso destinamos para esta décima edición 8.000 euros que permiten impulsar unha cita moi importante para a actividade económica e a chegada de visitantes a Viveiro”.
Loureiro García agradeceu o apoio do Goberno da Deputación coa promoción turística da vila e avanzou que “nesta edición, como novidade, os veciños serán os protagonistas do acto máis importante do Mercado, xa que poderán representar distintos papeis no desembarco da chegada de Carlos V na praia de Covas”. Ademais está prevista para o sábado a multitudinaria comida na rúa, na que este ano xa están inscritas 1.500 persoas.
90 postos renacentistas ata o domingo
O Mercado Renacentista de Viveiro celébrase desde este xoves ata o domingo, día 2, e ten como escenario a Praza Maior do Concello, así como todas as rúas do casco histórico da vila.
Nesta edición, a número 10, haberá 75 actividades programadas, así como 90 postos relacionados coa época renacentista, como por exemplo; artesanía, bisutería, madeira, ferro, produtos tradicionais e da Comarca ou roupa. O Mercado remata o domingo, co gran desfile de despedida con todas as compañías que participaron nesta cita, no que haberá moitas sorpresas.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
