Silleda 9-6-17. Os concellos de Alfoz e O Valadouro participan de forma conxunta na VII Feira de Turismo de Galicia Turexpo 2017. Nas dúas primeiras xornadas, desde a Oficina de Turismo do Concello de Alfoz realizáronse preto de trinta entrevistas con diferentes turoperadores de países tan diversos como Brasil, Polonia, EE.UU, Portugal e China, aparte das empresas nacionais. Nesta bolsa de contratación, na que tamén participaron profesionais que desenvolven as súas actividades no concello, tales como O Freixo dos Lobos, Alberto Geada ou Amextrem, mostráronse as potencialidades turísticas da zona para abrir novas vías de contacto pois, como indica Xabier Pardiñas, responsable Turismo do Concello de Alfoz, “trátase dun espazo de networking, un punto de partida con novos contactos de traballo que debemos continuar”. No stand habilitado para os dous concellos, coordinado pola Oficina de Turismo, mostraranse ao longo destes catro días non soamente os seus recursos turísticos senón tamén productos gastronómicos da zona. Durante as xornadas realizaranse degustacións de diferentes produtos relacionados co mundo do pan, os embutidos e o mel. Participaron nesta actividade Panadería La Concepción, Panadería Lorenzo, Pastelería Méndez, Embutidos Hermilino, Mel Ouro Puro, Mel O Trobo e Apicultura de Painzás. Dentro das actividades programadas tamèn se realizarán, entre os visitantes ao stand, cinco sorteos de fins de semana en Alfoz e O Valadouro por cortesía do Hotel Vila do Val, Casa Franco e Casa do Forno. A responsable da Oficina de Turismo, Ana Pena, indica que “esta feira é un moi bo expositor para mostrar os nosos puntos fortes e dar a coñecer ambos concellos para atraer un maior número de visitantes.
Na xornada de hoxe realizouse un acto institucional onde participaron os alcaldes de ambos concellos.
Foi baixo o título: Coñece os teus dereitos como consumidor, enmarcado nesta ocasión nunhas xornadas participativas nas que se abordarán neste mes de maio temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asoc. Xubilados Terramar. As próximas charlas serán os martes 20 e 27 de maio, no local social da asoc. de Xubilados Terramar, na Casa do Mar.
Co gallo do día das Letras Galegas, levarase a cabo un Obradoiro de oralidade das mulleres. Empregaranse as ferramentas do ciclo do ano e ciclo vital e farase percorrido polos cantares de tradición oral e os contextos nos que se producen. Branca Mª Villares Naveira dirixe este obradoiro; ela é docente de música tradicional galega na especialidade de canto e as percusións de man, con mais de 25 anos de bagaxe na investigación, tamén é divulgadora da tradición oral das mulleres galegas. Terá lugar este xoves, día 15 de maio no Salón de Actos do centro ás 16:30 horas. Máis información e matrícula: https://
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
