Ribadeo, 28 de xuño de 2025. Desde o venres día 4 de xullo ata o domingo 6 celebrarase en Ribadeo a décimo terceira edición do Curso de Jazz e Música Moderna.
Está organizado pola asociación cultural ribadense Bruar e o presidente do colectivo, Rubén Solloso, anuncia que o curso vai desenvolverse en horario de mañá e de tarde e será impartido por cinco profesores de distintas especialidades: “da batería encargarase Sergio González. A sección de vento estará a cargo do saxofonista Pablo Castaño. A parte de guitarras e baixos correrá por conta de Felipe Villar. E a de piano será impartida por a pianista catalana Cristina Montull. Por último a parte vocal será levada pola cantante coruñesa Ángeles Dorrio”.
Rubén Solloso explica que “é a décima terceira edición deste curso, que é modesto e que pelexamos moito para seguir facendo ano a ano porque é un tipo de música que non é tan popular como outros; entón intentamos que a xente se achegue a este estilo. Normalmente temos entre 15, 20 ou 30 participantes, polo que tocan a moi pouco alumnado por profesor. É por iso que cremos que é un curso moi interesante porque durante 3 días cada profesor/a ten moito tempo para ofrecer unha atención moi personalizada a cada participante. E todo isto por un prezo moi económico. Ademais ao final do curso facemos un concerto de clausura, que será o domingo 6 de xullo ás 19:30 horas ao lado do Concello, na praza Pancho Maseda”.
En canto á matrícula, “o prezo varía: se é para alumnado da Escola de Música de Ribadeo son 70 euros; para socios da asociación cultural Bruar, que somos os que organizamos o curso, 60 euros; e para o público en xeral ou alumnado doutras escolas, 80 euros”, especifica Solloso, que ademais aclara que “este curso está aberto a todos os músicos desas especialidades que ofrecemos, pero recomendamos que o alumnado teña un mínimo dominio do instrumento. É un curso de iniciación, pero o dominio de instrumentos si que hai que telo; recomendamos que leven polo menos uns 4 ou 5 anos de práctica instrumental para poder aproveitar ben o curso”.
O presidente da asociación Bruar tamén comentou que “nas edicións anteriores deste curso a maior parte do alumnado era desta zona, moitos de aquí, de Ribadeo e de concellos próximos, como Vegadeo, Foz, Burela, … Pero tamén hai xente que vén doutros sitios: de Coruña, de Oviedo, de Santiago,…”.
O prazo de inscrición para participar está aberto ata o día 2 de xullo e as persoas interesadas en máis información sobre o curso e para matricularse poden contactar con Rubén Solloso a través do teléfono 677 73 40 84.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
