Ribadeo (Lugo), 11 de agosto de 2017.- O Campamento Xuvenil da Devesa, en Ribadeo, acolle este verán a 685 rapaces e rapazas entre os meses de xullo e agosto, sendo as instalacións da provincia con maior oferta de prazas dentro da campaña de actividades de verán da Consellería de Política Social.
O delegado territorial, José Manuel Balseiro, visitou o campamento, no que a día de hoxe conviven arredor de 190 nenos e nenas de distintas idades disfrutando das variadas posibilidades do entorno, con actividades que combinan o mar e a natureza: Actividades náuticas (surf ou kaiak), escalada en rocódromo, bicicleta, tiro con arco, obradoiros de conservación do medio, excursións e visitas a lugares de interese da zona, entre outras.
Nesta primeira quincena desenvólvense nas instalacións dous campamentos de xestión propia da Xunta -para nenos de 10 a 12 anos e de 12 a 14 anos respectivamente- e outro concertado coa Cruz Vermella.
Balseiro destacou que a Consellería de Política Social organiza un completo programa de actividades de verán “para ofrecer aos nenos e á mocidade unha alternativa vacacional formativa e divertida, e para que as familias teñan máis doado conciliar nesta época”. Igualmente, subliñou, “procuramos que estes recursos cheguen ao maior número de familias, e principalmente ás que máis o precisan, obxectivo no que resulta fundamental a colaboración con organismos como a Cruz Vermella”. Ao respecto, explicou que das 685 prazas que suma A Devesa, 205 son en oferta concertada.
Na mesma liña, o delegado territorial subliñou “o incremento constante que vimos experimentando cada ano tanto no número de prazas como no orzamento destinado á provincia na campaña de actividades de verán”. Así, no conxunto da provincia de Lugo, a Consellería oferta 2.155 prazas (325 delas concertadas), 195 máis que o ano pasado -un 10% máis-.
Precisamente A Devesa é o campamento que máis incrementa o número de prazas dado que o ano pasado se viu condicionado polas obras de reforma que se acometeron en xullo. A Consellería investiu na mellora destas instalacións en torno a 200.000 euros nos dous últimos anos.
Este é tamén o campamento máis grande da Xunta, abarcando unha extensión de 61.000 metros cadrados.
A campaña de verán, que xestiona a Dirección Xeral de Xuventude, Participación e Voluntariado, inclúe campamentos e campos de traballo para a mocidade, e supón un orzamento de máis de 638.000 euros na provincia de Lugo.
A campaña esténdese entre o 21 de xuño e o 30 de agosto, con 28 campamentos -tres deles en oferta concertada-, cinco campos de traballo internacionais e a actividade “Conecta con Galicia”, que xuntou na capital de Lugo a mozos galegos e outros procedentes da Galicia exterior e doutras comunidades autónomas.
Os campamentos teñen lugar nas instalacións da Xunta en Viveiro, Portomarín, Ribadeo, Palas de Rei, Lugo e Carballedo e no albergue municipal de Quiroga; os campos de traballo en Quiroga, Folgoso do Courel, Pantón, Portomarín e Xermade.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
