Lugo, 4 de agosto de 2017.- A Consellería de Economía, Emprego e Industria destinará 483.300 euros a catro concellos da Mariña para o desenvolvemento de 14 cursos de formación dirixidos prioritariamente a traballadores desempregados.
O delegado territorial da Xunta, José Manuel Balseiro, destacou que poderán participar nestas actividades máis de 200 persoas sen emprego, “que recibirán unha formación axeitada aos requirimentos do mercado de traballo local”.
Os cursos forman parte da programación de accións formativas dirixidas prioritariamente a persoas desempregadas (AFD) que ven de aprobar a consellería e suma iniciativas promovidas por concellos, empresas e entidades sen ánimo de lucro.
O delegado lembrou que a Xunta inviste en total á provincia preto de 11 millóns de euros na formación para o emprego, entre a programación AFD e os cursos de xestión propia.
Os concellos que impartirán actividades AFD na comarca son os de Burela, Cervo, Xove e O Vicedo. Representan a metade dos concellos que presentaron solicitude na provincia; os outros beneficiarios son os de Palas de Rei, Lugo, Outeiro de Rei e O Páramo. Balseiro lembrou que “a Xunta subvencionou a todos os concellos que o solicitaron e para todos os cursos que pediron”.
Así, o concello de Burela recibirá 242.000 euros para a organización de seis cursos; o de Cervo disporá de 116.400 euros para catro cursos; o de Xove 91.400 euros para tres cursos; e O Vicedo organiza un curso por importe de 33.400 euros.
En canto ao contido dos cursos, destacan os orientados á atención sociosanitaria a persoas dependentes. Tamén haberá formación en socorrismo, promoción turística, tratamento de datos e documentos ou xardinaría, entre outras materias.
Cabe lembrar que no conxunto da Mariña están previstas en total 24 accións formativas, pois ás organizadas polos concellos hai que sumar as que impulsan empresas ou entidades sen ánimo de lucro.
Os cursos comezarán a impartirse no mes de setembro, e deberán estar rematados en xuño do 2018. Como principais novidades, a presente convocatoria de cursos AFD terá carácter plurianual (2017-2018), o que posibilitará que se imparta unha formación máis completa.
Os alumnos e alumnas son seleccionados a través das oficinas de emprego e poderán acceder ás bolsas de axuda para gastos de transporte, manutención e conciliación, ás que a consellería destina 9 millóns de euros no conxunto de Galicia.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
