A Mariña, 9 de agosto 2017. O BNG ven de denunciar o caos que se está a producir nas liñas de transporte na Mariña, como consecuencia da premura e da falta de información por parte da Xunta de Galiza na aplicación do Plan de Trasporte Público de Galiza. A reponsábel comarcal do BNG na Mariña, Ana Ermida, cualificou como “moi negativo o novo Plan de Trasporte posto en marcha pola Xunta de Galiza, pois lonxe de solucionar os problemas históricos de comunicación que padecemos na Mariña, agrava máis aínda a xa de por si deficitaria situación do trasporte público na nosa comarca”. Ermida criticou que “a Xunta non informou dos cambios de servizos e liñas o que está a provocar un gran número de incidencias ás persoas usuarias polo cambio de horarios, paradas, rutas e frecuencias”.
Ana Ermida demanda da Xunta que garanta os dereitos dos traballadores e que faga cumprir as condicións do contrato á empresa adxudicataria.
Por outra banda, desde a formación nacionalista tamén lamentaron a situación laboral na que quedan os traballadores do transporte na nosa comarca, pois a Unión Temporal de Empresas que ten na actualidade a concesión da liña “A Mariña-Viveiro-Ribadeo” négase a subrogar os traballadores adscritos a este servizo, incumprindo as obrigas do contrato no relativo ás garantías do persoal. Neste sentido, Ana Ermida denunciou “a falta de transparencia nos contratos de transporte público adxudicados pola Xunta de Galiza e reclamou a subrogación de todos os traballadores e traballadoras”. “A Xunta debe garantir os dereitos dos traballadores e ten que facer cumprir as condicións do contrato á empresa adxudicataria, ou en canso contrario proceder ao rescate da concesión por incumprimento dos pregos”. A responsábel comarcal adiantou que o BNG ven de requerir no Parlamento Galego toda a información dos 41 contratos adxudicados, gastos de licitación, empresas adxudicatarias e recursos humanos e materiais para cumprir os horarios, servizos e liñas.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
