Barreiros, 24 de agosto de 2017. O Bloque Nacionalista Galego en Barreiros advirte de que a traída municipal de auga adoece de graves deficiencias, existindo na actualidade dúas importantes fugas en pleno centro de San Cosme que supoñen desperdiciar auga diariamente. As fugas verten nas cunetas que hai xunto ás vivendas sociais novas e pola estrada que baixa á praia, chegando incluso a saír á estrada en zonas.
A portavoz municipal afea a conduta do rexedor popular, Alfonso Fuente, e do seu equipo de goberno que “outra vez tratan de desviar a atención e de culpabilizar dun mal uso da auga ás veciñas e veciños, mentres a súa incompetencia fai que haxa dúas fugas de auga en San Cosme sen arranxar desde hai meses, perdendo gran cantidade de auga diariamente.”
“Non é decente que se saquen bandos a primeiros de verán impoñendo restriccións ao rego ou outros usos da auga e que o goberno municipal sexa incapaz de ordenar solucionar dúas fugas que están botando auga todo o día. A postura do Alcalde e o seu equipo é absolutamente demagóxica e, desde logo, non están lexitimados para pedirlle a ninguén mesura no uso da auga”, afirman.
Para o BNG, “isto é mostra da inoperancia do goberno municipal que é incapaz de xestionar un servizo como o abastecemento de auga. Este problema vén sumarse ás continuas deficiencias deste servizo que sofren as veciñas e veciños de Barreiros: auga turba cando chove, falta de presión ou cortes continuos por falta de subministro, entre outros.”
Desde o BNG ínstase ao goberno municipal a que arranxe “coa máxima urxencia estas fugas e revise a traída municipal para evitar estar deperdiciando auga, mentres se restrinxe o seu uso a veciñas e veciños.”
Un prezo astronómico para un servizo deficitario.
A portavoz municipal nacionalista critica que “co que subiron o prezo da auga, que desde hai cinco anos duplicou os recibos en moitos casos, non é lóxico que as veciñas e veciños de Barreiros non recibamos un servizo mellor. Só co que se ingresa anualmente por este servizo a costa do que se paga por recibos, dá para xestionalo en mellores condicións e garantir un subministro estable.”
“Se hai que recortar gastos que sexa en cuestións innecesarias ou que se poderían xestionar doutro xeito, pero non na calidade do subministro que reciben as veciñas e veciños”, conclúe Ana Ermida.
O BNG denuncia que dúas fugas de auga en pleno centro de San Cosme levan meses sen arranxar
Relacionado
-
O PPdeG destaca as iniciativas de emprendemento desde o rural galego que poñen en valor o territorio
-
O PSdeG reclama ao alcalde de Abadín actuacións urxentes no campo de fútbol municipal
-
O BNG demanda a Rueda explicacións sobre “o incumprimento inaceptable” do prazo para limpar as faixas secundarias nos concellos de menos de 10.000 habitantes
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
