Foz, 4 de agosto de 2017. O Concello de Foz anuncia que o mercado semanal do vindeiro martes, día 8, trasladarase á zona de Malates con motivo da celebración das festas de San Lourenzo na zona portuaria. Este cambio xa se fixo o ano pasado polo mesmo motivo.
O alcalde de Foz, Javier Jorge Castiñeira, anunciou hoxe que “o próximo martes, día 8, día de mercado en Foz, con motivo do comezo das festas do San Lourenzo decidiuse, como o ano pasado, trasladar o mercado semanal para a rúa de Malates, dende o campo de fútbol ata a súa intersección co viario Concello de Barreiros”.
Javier Castiñeira lembra que “como o ano pasado, todo o mundo terá alí a súa ubicación: todos os ambulantes e comerciantes que teñen praza no mercado semanal, que o tiñan na zona portuaria, pero que coincide coa zona de atraccións e da festa do San Lourenzo. É en aras de mellorar a circulación e a comodidade da xente trasládase como o ano pasado o mercado a esta zona”.
O rexedor municipal engadiu: “queremos informar a todas aquelas persoas que acceden a Foz por esa zona que vai estar aí o mercado e que deben seguir avanzando cara á rúa Valle Inclán posto que non van poder acceder ao porto pola zona de Malates”.
O alcalde quere “pedir desculpas anticipadas por se causa algunha molestia máis, pero faise en aras de mellorar e compatibilizar todo: as festas, o mercado semanal e toda a actividade que ten o concello nun momento moi importante do verán. O ano pasado resultou bastante positivo. É verdade que houbo un momento dado que puido ocasionar algunha retención á entrada e avisamos a todos aqueles usuarios do mercado que pode haber esas complicacións e que usen outras alternativas de entrada”.
Castiñeira dá “as grazas, por suposto, á Policía Local polo esforzo que fai en aras da mellor mobilidade no concello de Foz nun momento tan complexo como é o verán”.
O Concello de Foz traslada o mercado semanal do vindeiro martes á zona de Malates pola celebración das festas de San Lourenzo no porto
Relacionado
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
