Burela 19-8-17. Non llo puxo nada doado esta tarde o Pescados Rubén Burela FS a un dos pratos fortes de Primeira División, o Palma Futsal, que só puido apropiarse da terceira praza do Torneo Burela Bonita na recta final da cita e con xogo de cinco (2-1).
Álex evitou o primeiro dos insulares superada a medianía da primeira parte, no minuto 11, cun pé prodixioso ante un mísil de Tomaz, e máis tarde, no 13, despexando a artillería de Diego Favero. Ata o momento aos dous equipos resistíraselles a rede; non chegaran con claridade á meta rival salvo no minuto 2, o primeiro perigo da cita, de Chus, e no 3, de Pazos ante un atento 13 burelista. Aplicouse a defensa laranxa para frear ao Palma; Maico (minuto 14) e Chicho (minuto 15) intentaron sorprender por arriba sen éxito. Os da Mariña souberon manter a calma pero non conseguiron materializar as súas mellores ocasións, unha galopada de Hélder que se marchou desviada ante un adiantado Barrón (17) e un saque de esquina que a punto estivo de entrar nun despexe de David Pazos (18). Foi precisamente o 20 insular o encargado de servirlle en bandexa a Diego Quintela, pegado ao pau, o 1-0 a falta de 31 segundos para o final da primeira parte.
Con cambios en ambas as porterías, con Nico Sarmiento e Edu, os primeiros compases tras o descanso transcorreron na área laranxa. Frearon as embestidas insulares e aproveitaron os de Juanma Marrube para asinar en empate na súa primeira ocasión clara, no minuto 23, nas zapatillas de Renato, que chegou ao bordo da portería para cazar a tentativa de Colacha. O gol foi o pulo que precisaban os anfitrións para dar un paso adiante. Pope, no 29, tivo unha de ouro para tomar vantaxe; antes Renato xa avisara por partida dobre a balón parado. Chus e Hélder volveron á carga no 32, con boa resposta de Nico Sarmiento.
Con cinco faltas, Palma apostou o todo polo todo nos tres últimos minutos e medio con porteiro xogador e Maico atopou o 2-1 (minuto 38). A reacción laranxa foi tamén de xogo de cinco, alternando con Chus e Renato, aínda que sen a recompensa desexada e merecida.
Ficha técnica
Palma Futsal: Barrón, Éder, Chicho, David Pazos, Diego Quintela, cinco inicial; tamén xogaron Eloy Rojas, Joselito, Diego Favero, Maico, Tomaz, Lolo, Nico Sarmiento
Pescados Rubén Burela FS: Álex, Chus, Colacha, Renato, Pope, cinco inicial; tambié xogaron Víctor, Cora, Hélder, Luisma, Matamoros, Edmilson, Edu,
Goles: 1-0, minuto 20, Diego Quintela; 1-1, minuto 23, Renato; 2-1, minuto
38, Maico
Arbitros: Rivas Fouz // Coello Martínez. Por Palma amarela a Diego Quintela (minuto 30). Por Pescados Rubén amarela a Víctor (minuto 18);
Incidencias: Partido co terceiro e cuarto posto do Torneo Burela Bonita en pugna disputado en Vista Alegre con arredor de 600. Minuto de silencio polas vítimas do atentado de Barcelona.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
